கயிறுகள்
ஆட்டையோ மாட்டையோ
கட்டவோ
மூட்டைகளையோ முடிச்சுகளையோ
கட்டவோ
வீட்டைக் கட்டவோ
வாங்கிச் செல்லும் கயிறு
கழுத்தை இறுக்கவும்
கயிற்றில் தொங்கவும்
வாங்கப்படலாம்!
உருவாகிக் கொண்டும்
வாங்கப்பட்டுக் கொண்டும்
காலந்தோறும் கயிறுகள்
வாழ்ந்து கொண்டு இருக்கின்றன
நைந்துப் போகும் வரை!
*****
உன்னைப் பார்க்க வருகையில் . . .
என்னைப் பார்க்க வரும் போது
என்ன கொண்டு வருவாய்
என்கிறாய்!
கொஞ்சம் மழையும்
அத்துடன் கொஞ்சம் குளிரையும்!
*****
No comments:
Post a Comment