பணம் மாற்றும் வரிசைகள்

பணம் மாற்றும் வரிசைகள்

நாம் இந்த வரிசையில் நின்று

செல்லாத பணத்தை மாற்றாமல்

இருந்தால் என்ன?

நமக்கு பால் கிடைக்காது

பெட்ரோல் போட முடியாது

டீக்கடைக்காரர் டீ கொடுக்க மறுக்கலாம்

சொத்தைக் காய்கறிகள் கூட வாங்க முடியாது

சிகரெட் பிடிப்பது

டாஸ்மாக் செல்வது

கட்டணக் கழிவறைக்குச் செல்வது என்று

பாதிப்புகள் நிறைய இருக்கின்றன

தனியார்ப் பள்ளிகளின்

கட்டணக் கொள்ளைக்கு ஈடு கொடுக்க முடியாது

பிறப்புச் சான்று, சாதிச்சான்று,

இறப்புச் சான்று, இன்ன பிறச் சான்று என்று

பெற கொடுக்க லஞ்சப்பணம் லேது

இப்போது வெளுத்துக் கொண்டிருக்கும்

இந்தப் பணமும்

இன்னும் சில நாள்களில்

கருத்து விடலாம்

வழக்கமாக மாதம் தொடங்கியதும்

மாதாந்திரத் தவணைக் கட்ட

வரிசையில் நிற்கும் ஒருவன்

இப்போது இந்த வரிசைகளைப் பார்த்து

சிரித்துக் கொண்டே நடந்து கொண்டிருக்கிறான் என்பது

முதன் முதலாக வரிசையில் நிற்கும்

பலருக்குத் தெரியாது

*****