சுத்தம்
கடைசியில்
காவிரி
சுத்தமானது
பொட்டு மணல் கூட
இல்லாமல்!
*****
நினைப்புகள்
பேசி விட்டு
மறந்துப் போவார்களே தவிர
வேறு எதுவும் நினைக்க மாட்டார்கள்
என்பது தெரிவதில்லை
மற்றவர்கள்
என்ன நினைப்பார்களோ என்று
நினைக்கும் மனதுக்கு!
*****
போதுமானது
இந்தத் தேசத்தில்
தூக்கிலிட்டுச் சாக
ஒரு விவசாயியாக இருப்பது
போதுமானது!
*****
தீரா ரசிகன்
சூப்பர் ஸ்டாருக்கு
பாலாபிஷேகம் செய்வான்
ஹன்சிகாவுக்கு
கோயில் கட்டுவான்
அவ்வபோது
திருட்டு டிவிடியில்
திரைப்படமும்
பார்த்துக் கொள்வான்
தீராத் தமிழ்த்திரை ரசிகன்!
*****
No comments:
Post a Comment