செயல்படுவதற்கான இரு தத்துவங்கள்
சில நேரங்களில் எதுவும் செய்ய முடியாத
சூழ்நிலை ஏற்படும். தற்காலிகமாக அப்போது முயற்சிகளை கைவிட வேண்டிய இடம் அது. அதுதான்
மனநிலைக்கும், அப்போதைய சூழ்நிலைக்கும் நல்லது. இருப்பதே போதுமானது. அதுவே இயல்பானது.
அதுவே நன்மையானது.
அந்த ஓய்வுகால நிலைக்காக நன்றி சொல்லுங்கள்.
மற்றும் பல நேரங்களில் செயல்பட வேண்டிய
நிலை வரும் போது என்ன செய்ய வேண்டும் என்றால்...
வழக்கமாகச் சொல்லப்படுவதுதான் இது, 'செய்வதை
செய். நடப்பது நடக்கட்டும். எப்படி நடக்கும் என்றோ எதிர்பார்க்கும்படி நடக்காமல் போய்
விடும் என்றோ நினைக்கும் போதுதான் மனம் நடுக்கமுறும். எது நடந்தாலும் நடக்கட்டும்
என்று செயலைச் செய்து கொண்டு போனால் எந்தப் பிரச்சனையும் இருக்காது.
நேற்றிலும் போய் விடாதீர்கள். எதிர்காலத்திற்கும்
சென்று விடாதீர்கள். இன்றில் இருங்கள். உங்கள் இயல்பில் இருங்கள். நடக்கப் போவதைப்
பற்றி மனம் போன போக்கில் யோசிக்காமல் என்ன செய்ய வேண்டுமோ அதைச் செய்யுங்கள்.
*****
No comments:
Post a Comment