கீழடி ஆய்வை வீணடி என்பார் கண்ணே!

கீழடி ஆய்வை வீணடி என்பார் கண்ணே!

            மதுரை மாவட்டத்தில் உள்ளது கீழடி. அங்கு, தமிழ்ச் சமூகத்தின் தொன்மையைப் பறைசாற்றும் வரலாற்றுச் சான்றுகள் புதைபொருள்களாய்த் தோண்டத் தோண்ட கிடைத்துக் கொண்டிருக்கின்றன.

            மிகக் குறுகியக் காலத்தில் (இரண்டு ஆண்டுகள்) இந்த அகழ்வாய்வை முடித்துக் கொண்டு விட்டனர். ஏக்கர் கணக்கில் செய்ய வேண்டிய அகழ்வாய்வைச் சில சென்ட் அளவில் சிக்கனமாகவும் முடித்து விட்டனர். இங்குக் கிடைத்த அகழ்வாய்வுப் பொருட்களையும் கர்நாடகத்துக்கு எடுத்துச் சென்று விட்டனர். ஏற்கனவே காவிரி அங்கு இருக்கிறது. இப்போது தமிழர்களின் தொல்பொருள் சான்றுகளும்.

            இதே கீழடியில் ஹைட்ரோ கார்பன் இருப்பதாக தெரிந்திருந்தால் வருடக் கணக்கில் ஆய்வை மேற்கொண்டிருப்பார்கள். துரப்பணத்தை வைத்து தோண்டோ, தொண்டோ என்று தோண்டித் தள்ளி இருப்பார்கள்.

            பாருங்கள் மக்களே! கூடங்குளம் வரை அணுமின் திட்டத்தைக் கொண்டு வருகிறார்கள். அகழ்வாய்வுப் பணிகளை மட்டும் எடுத்துக் கொண்டு போய் விடுகிறார்கள்.

            தமிழ்நாட்டைப் பொருத்த வரையில் மணல் குவாரி என்றால் தோண்டுவார்கள். கிரானைட் குவாரி என்றால் சீண்டுவார்கள். தொல்பொருள் ஆய்வு என்றால் யார் தீண்டுவார்கள்?

            நீ மக்காய் இருக்கிறாய் தமிழா!

*****