சாதிச் சங்க காலம்
சாதி மாறி ஒருவனை
கைபிடித்து ஓடிய பிணை
மான் போன்ற மகள்
எங்குளளோ? எப்படியுளளோ?
அவள் ஓடிய பின்றை
விசமிகள் பற்ற வைத்த
தீயில்
எரிந்த காடு போலானது
நாடு.
தூக்கு மாட்டிய தந்தையால்
தந்தைக் குருவி இல்லாத
கூடு போலானது வீடு.
திசை மாறி ஊருக்குள்
புகும்
யானைகள் போலானார்கள்
சாதிச் சங்கத் தலைவர்கள்.
மருண்டோடும் கலைமான்
போலாகி
இரயில் எனும் புலியின்
தண்டவாளப் பல் சக்கரத்தில்
உயிர் இழப்பானோ
தலைவிக்கு மங்கல நாண்
சூட்டிய தலைவன்?!
*****
No comments:
Post a Comment