சந்திப்புகள்
தியாகராஜ பாகவதரும் கிட்டப்பாவும்
சந்தித்துக் கொண்ட பின்
சிவாஜியும் எம்.ஜி.ஆரும்
சந்தித்துக் கொண்டார்கள்.
மேலிருந்து பார்த்த போது
கீழ் உள்ள மனிதர்கள்
வாழ்வு என்பது
நடிப்பெனத் தோன்றியது.
வாழ்வெனும் நடிப்பில்
தங்கள் நடிப்பு என்பதென்ன
என்று
அவர்கள் தீவிரமாக விவாதித்துக்
கொண்டார்கள்
விஜய் - அஜித் ரசிகர்களின்
அடிதடி ரகளை மீம்ஸ்களைப்
பார்த்து வெறித்துச்
சிரித்த படியே.
*****
தேடல்
நிறைய குறுஞ்செய்திகளுக்கு
மத்தியில்
தேடிக் கொண்டு இருக்கிறேன்
நீ அனுப்பிய
டெலிட் செய்து விட்ட
குறுஞ்செய்தியை.
*****
No comments:
Post a Comment