கண் குத்துச் சாமி

கண் குத்துச் சாமி

பொய் சொன்னால்

சாமி கண்ணைக் குத்தும்

என்று சொன்னதிலிருந்து

சாமியைப் பார்க்கும் போதெல்லாம்

கண் குத்துச் சாமி

என்கிறாள் அம்முக்குட்டி.

*****

வெளியே ஒரு பாடம்

அதைத் தாண்டி

வெளிநடப்பு செய்ய வேண்டும்

என்பது புரியாமல்

பீஸ் கட்டாததால்

க்ளாஸ் ரூமுக்கு வெளியே நிற்கிறாள் அம்முக்குட்டி

ஆபீஸ் ரூமுக்கு வெளியே நிற்கிறார் அப்பா

தன்னருகே தத்தித் தத்தி வந்து விலகிப் போகும்

குருவியைப் பார்க்கையில்

நீயும் பீஸ் கட்டலைத்தானே

என்று சொல்லிச் சிரிக்கிறாள்

பேச ஓர் ஆள் கிடைத்து விட்ட திருப்தியோடு

அந்தக் குட்டிப் பாப்பா.

*****