ஓர் அளப்பும், ஒரு கொத்தும்
எப்போதாவது வீட்டுக்குள்
வரும் குருவி
யாரும் இல்லை என்றால்
அறையை அளந்துப் போகிறது
யாரும் இருந்தால்
முகம் பார்க்கும் கண்ணாடியை
மட்டும்
ஒரு முறை கொத்தி விட்டுப்
பறக்கிறது.
*****
பெருமிதமாய் ஒரு வார்த்தை
மரியாதையோடு
சாப்பிடுவதாக பெருமிதமாய்ச்
சொல்கிறார்
வீட்டை விட்டு வெளியேறி
கந்தல் ஆடையோடு
அழுக்கேறிய தலைமுடியோடு
தாடியில் புதைந்த முகத்தோடு
கோயில் வாயிலில்
பிச்சையேந்திச் சாப்பிடும்
பெரியவர்.
*****
No comments:
Post a Comment