கடத்தப்படும் நிலவு

கடத்தப்படும் நிலவு

நிலவைத் திருடுவது

அவ்வளவு எளிதல்ல

அவ்வளவு தாய்மார்கள்

தங்கள் குழந்தைகளுக்குக்

காட்டிக் காட்டிச்

சோறூட்டிக் கொண்டு இருக்கும் போது...

ஒரு மயக்க பிஸ்கெட்டைக் கொடுத்து

கடத்தி விடுவது போல

பின்னொரு நாளில்

எளிதாக இருக்கிறது

கிணற்றில் விழுந்து கிடக்கும் நிலவை

அப்படியே மூடி போட்டு மூடி விடுவதில்.

*****

அழகு

நீ

செல்லமாய்

எருமை மாடே

எனத் திட்டும் போது

புரிய வரும்

எருமை மாட்டின் அழகு.

*****