எதற்காக...?!
எதற்காக
நம்மிடம் வந்து
நம்மிடம் வளர்ந்து
கசாப்புக் கடைக்குச்
செல்கிறது
கருப்பு ஆட்டுக்குட்டி?!
*****
ஒரு கிராமம்
உலகம் ஒரே
கிராமம் ஆகி விட்டது
என்கிறார்கள்.
கங்கைதான்
பக்கத்தில் வர மாட்டேன்கிறது,
காவிரித் தண்ணீரும்
தாகத்திற்கு
கிடைக்க மாட்டேன்கிறது.
*****
கவலைகள் பல விதம்
நூற்றுக்கு
99 வாங்கியும்
ஒரு மதிப்பெண் போன கவலை
ஒட்டு மொத்த குடும்பத்திற்கும்.
*****
No comments:
Post a Comment