ஷை டைப்
"யார்கிட்டேயும் ப்ரீயா பேச மாட்டேங்றா!
ஷை டைப்பா இருக்குறா!" என்று மகளைப் பற்றி
கவலைப்பட்ட ராகவனிடம், ஆனந்தன் சொன்னார், "அவளுக்கு ஒரு மொபைல் மட்டும் வாங்கிக் கொடுத்துட்டு அப்புறம் பார்!"
*****
மணிரத்னத்துக்கு மட்டும்தான் கால்ஷீட்
"இனிமே ரொம்ப பஞ்ச் டயலாக் பேசி நடிக்கக்
கூடாது!" என்று தொண்டையில் புண் வந்த ஆகாஷூக்கு டாக்டர்
பிரிஸ்கிரிப்ஷன் சொல்ல, "இனிமே மணிரத்னம் படத்துக்கு படத்துக்கு
மட்டும்தான் கால்ஷீட் கொடுப்பேன்!" என்று டாக்டரிடம் உறுதியளித்தான்
ஆகாஷ்.
*****
திருட்டுப் பயம்
ஐந்தாம் நம்பர் வீட்டிலிருந்து சேகர், மூணாம் நம்பர் வீட்டிலிருந்து
மூர்த்தி, ஆறாம் நம்பர் வீட்டிலிருந்து ராஜன் இவர்களையெல்லாம்
காம்பெளண்ட் சுவர் தாண்டிக் குதித்து வெளிவந்ததைப் பார்த்த மணி, "நாட்டுல திருட்டுப் பயம் அதிகமாத்தான் போய்ட்டு!" என நினைத்துக் கொண்டான் எட்டாம் நம்பர் வீட்டிலிருந்து காம்பெளண்ட் சுவர்
ஏறிக் குதித்துக் கொண்டே!
*****
No comments:
Post a Comment