எப்படி?

எப்படி?

பறக்கும் பறவைகள்

தரை இறங்காதோ என்று

தோன்றுகிறது

வனங்கள் பார்வையில் படாத வரை!

பறந்து கொண்டு இருக்கும்

அவைகள்

இன்னொரு கிரகத்தில்

வனாந்திரத்தைக்

கண்டு விட்டால்

இந்தக் கிரகத்திற்கு

எப்படி அழைத்து வருவது?

பறவைகள் இல்லாத பூமியில்

பறவைக்கறி சாப்பிடுவது எப்படி?
நிலைகள், ஜன்னல்கள்,

நாற்காலிகள் மற்றும்

மேசைகளாக மாறி விட்டவைகளை

மரங்களாக்குவது எப்படி?

அதற்குள்

பிராய்லர் பறவைகளைக்

கண்டுபிடிப்பதுதான் எப்படி?

*****

இரை

கோழிக்குஞ்சுகளுக்கு

இரை பொறுக்கிப்

போடுகிறேன்!

கோழிக்குஞ்சுகளை

இரையாக்கிப் பறக்கிறது

பருந்து!

*****