எழுக எழுத்தாளா நீ!
யாரோ ஒருவருடைய எழுத்தை எழுதுவது என்ன
எழுத்து? உனக்காக ஒரு புது மொழி, அதன் மூலம் ஒரு புதிய எழுத்தை உருவாக்கு. அதன் வழி
உன்னிடம் பிரவகிப்பதை மட்டும் எழுது.
அதில் ஜோக்ஸ், குட்டிக்கதைகள் வேண்டாம்.
உன்னால், உன் மூலம் தோன்றியதை மட்டும் எழுதுபவனாக இரு. உன் மனதில் படுபவை மட்டும்
உன் எழுத்தாகிறது.
இனி நீ எழுதும் எழுத்து உன்னை, உன் மனநிலையைப்
பிரதிபலிப்பதாக இருக்கட்டும்.
சில நாள்கள் கவிதைகள் மட்டும் வரும். சில
நாள்கள் மனநிலை முடிச்சுகளின் அவிழ்ப்புகளாக எழுத்துகள் குவியும். சில நாள்கள் சிறுகதைகளாக
வந்து தள்ளும். எழுத்து என்பது அப்படித்தான். ஒரு பைத்தியம் மாதிரி. எப்போது எப்படி
எண்ணும் என்று சொல்ல முடியாது.
நிறைய எழுத வேண்டும் என்று நினைப்பதை விட,
குறிப்பாக சிலவற்றை மட்டும் எழுத வேண்டும் என்று நினை. அதுதான் புத்திசாலித்தானம்.
குறிப்பாக பாலியல் பக்கத்தைத் தேர்ந்தெடுத்து விட்டால், நீ புத்திசாலிதான் போ. உன்
எழுத்தைப் படிக்க உலகம் முழுவதும் ஒரு ரசிகப் பட்டாளமே கிடைத்து விடும். அப்புறம் உன்னைக்
கையால் பிடிக்க முடியாது.
(பி.கு - எஸ்.கே.
தனக்குத் தானே எழுதிக் கொண்ட புத்திமதிகள் என்ற தொகுப்பிலிருந்து...)
*****
No comments:
Post a Comment