அரசியல்வாதி என்றால் உடன் கவனிக்க!

அரசியல்வாதி என்றால் உடன் கவனிக்க!

            தாஜ்மஹாலைக் கட்ட வேண்டும் என்று நினைத்தால் ஆட்களைக் கொண்டுதான் கட்ட வேண்டும்.

            ஒரு சீர்திருத்தத்தைச் செய்ய வேண்டும் என்றால் ஒரு கமிட்டியை அமைத்து அதன் பரிந்துரைகளை ஏற்றுதான் செய்ய வேண்டும்.

            அப்போதுதான் தவறு நேர்ந்தாலும் தாஜ்மஹாலைக் கட்டியவர்களையும், தவறாகப் பரிந்துரைத்து விட்டார்கள் என்று கமிட்டியையும் கை காட்ட முடியும். இல்லையெனில் அந்த தவறுகளுக்குப் பொறுப்பேற்று நீ பலியாக வேண்டும். தேவையா அது உனக்கு?

            அறிவுரைகள் சொல்லும் போது எச்சரிக்கையாக இருக்கும் வேண்டும். அந்த எச்சரிக்கை போதவில்லை எனக்கு. நான் பலியாடாக இருக்கிறேன். இந்த அறிவுரையை எடுத்துக் கொண்ட என் நண்பன் அரசியல்வாதியாக ஜொலித்துக் கொண்டிருக்கிறான். அவ்வபோது சில எலும்புத் துண்டுகளைத் தூக்கிப் போடுவான். மிக கவனமாகக் கவ்விக் கொண்டு வந்து விடுவேன். பொழைக்கணுமே மக்கா!

            (எஸ்.கே.யின் அனுபவத் துளிகள் என்ற நூலின் இரண்டாம் தொகுதி 3254 ஆம் பக்கத்திலிருந்து...)

*****