கோடிக்கு கோடி நான்தானடா!
சின்ன சித்தப்பா வந்து என்னுடைய பத்து
லட்சமும் போச்சு என்றார். போகட்டும், பத்து கோடியாக திரும்ப வரும் என்றேன். சொல்லி
மூன்று வருடங்களுக்கு மேலாகிறது. அந்த குந்தாங்கூரான மனத்தெளிவும், குருட்டு நம்பிக்கையும்தான்
வாழ்க்கையின் சொத்து என்று நினைக்கிறேன்.
நான் யாருக்காவும், எதற்காகவும் எதையும்
செய்யவில்லை என்று அடிக்கடி என்னை நோக்கி எனக்கு நானே சொல்லிக் கொள்வேன். எனக்காகவே
எல்லாவற்றையும் செய்கிறேன். குறிப்பாக எழுதுவது. இல்லையென்றால் இவ்வளவு எழுதி எதுவும்
கிடைக்கவில்லை என்ற ஏக்கமே என்னை வீழ்த்தியிருக்கும். நேரத்தைப் பாருங்கள், ஏக்கம்
வீழ்ந்து பாடையில் போனதுதான் மிச்சம்.
எழுதுவதன் மூலம் நான் விடுபடுகிறேன். படிக்கின்ற
நீங்கள் மாட்டிக் கொள்கிறீர்கள். என்ன செய்வது, எல்லாம் தலைவிதி. எழுதுவதை வைத்து
பணம் சம்பாதிக்க முடியும் என்ற நம்பிக்கை எனக்கில்லை. ஏன் அப்படி என்கிறீர்களா? அது
கன்றாவியான ஒரு விதி.
எங்கேயாவது என்னைத் தெரிந்தவர்கள் பார்த்தால்...
ஐந்தோ, பத்தோ கொடுப்பார்கள். எழுதவில்லை என்றால் அதுவும் இல்லைதானே.
(என் வாழ்க்கையில்
நடந்த பாயாச (இனிப்பான) அனுபவங்கள் என்ற எஸ்.கே.யின் தன் வரலாற்று நூலிலிருந்து...)
*****
No comments:
Post a Comment