நான்காவது அடிப்படைத் தேவை!
எல்லாவற்றிற்காகவும் தேவை மனதிற்கான நியாயம்தான்.
நெஞ்சுக்கு நீதி என்று சொன்னாலும் தவறில்லை. அது கிடைத்து விட்டால் மனிதன் நிம்மதியாக
இருப்பான்.
உணவு, உடை, உறைவிடம் போல் மனசுக்கான நியாயமும்
மனிதனுக்கு அடிப்படைத் தேவைதான்.
இந்த நான்காவது அடிப்படைத் தேவையைப் பூர்த்தி
செய்வதாகச் சொல்லித்தான் கல்லா கட்டுகின்றன மதங்கள். நமது சாதிகள், சடங்குகள், சம்பிரதாயங்கள்,
சகுனங்கள், மூட நம்பிக்கைகள் எல்லாம் அதற்குத்தான்.
இறை நம்பிக்கைகள் மனதுக்கான நியாயத்தை
வழங்கி விடும் என்று நம்பிக் கொண்டு அதில் ஒரு தேடலை நிகழ்த்திக் கொண்டிருக்கிறாய்
மனிதா நீ! உன் வக்கிர மனத்தையும், அல்பத்தனத்தையும் அது அமைதிப்படுத்தலாம். ஆனால்,
நினைவில் கொள்! மனதின் அறவுணர்ச்சி ஒன்றுதான் மனசுக்கான நியாயத்தை வழங்கிப் பூர்த்தி
செய்ய முடியும்.
அப்படி ஒன்று உன் மனசில் முள் முனையளவும்
இருக்காது என்று எனக்குத் தெரியும். ஐயாயிரத்துக்கு ஒரு டிமாண்ட் டிராப்ட் எடுத்து
பாவ மன்னிப்புக்கு ஒரு விண்ணப்பம் எழுதி என் முகவரிக்குப் போடு. பரிகாரத்தை அனுப்பி
வைக்கிறேன்.
(பி.கு - மேலே கொடுக்கப்பட்டது, எஸ்.கே.
நிகழ்த்திய பிரசங்கத்திலிருந்து ஒரு பகுதி...)
*****
No comments:
Post a Comment