கள்ளம் கபடமற்ற அன்பில் பிறக்கும் நேர்மை

கள்ளம் கபடமற்ற அன்பில் பிறக்கும் நேர்மை

            குழந்தைகள் நேர்மையாகத்தான் இருக்கிறார்கள்.

            இதை ஒரு சம்பவத்தின் மூலம்தான் தெரிந்து கொண்டேன். அந்த Tuition Cenrteல் குழந்தைகளுக்கான பேனாக்கள், பென்சில்கள், பேப்பர்களை வாங்கி மேசையில் வைத்து விடுவேன். அவர்கள் தங்களுக்கு வெண்டியதை அவர்களே எடுத்துக் கொண்டு காசை மேசையில் வைத்து விட்டுப் போய் விடுவார்கள்.

            ஒரு நாள் சில குழந்தைகள் பேனாக்கள், பென்சில்களை காசு வைக்காமல் எடுத்துச் சென்று விட்டார்கள். அவர்கள் அப்படி எடுத்துச் சென்றது எனக்கும் தெரியவில்லை.

            சில நாள்கள் கழித்து காசு கொடுக்காமல் பேனாக்களையும், பென்சில்களையும் எடுத்துச் சென்ற குழந்தைகள் தாங்களாகவே முன்வந்து அவற்றைக் கொடுத்த போது எனக்கு ஆச்சர்யமாகப் போய் விட்டது.

            எது அவர்களை நேர்மையாக இருக்கச் செய்கிறது?

            அவர்கள் மேல் நாம் காட்டும் கள்ளம் கபடமற்ற அன்புதான் அவர்களை நேர்மையாக இருக்கச் செய்கிறது என்பதை அப்போது புரிந்து கொண்டேன். நாம் எப்படி இருக்கிறோமோ, குழந்தைகளும் அப்படியே இருக்க விரும்புகிறார்கள்.

            அன்பு திருத்தும். தண்டனை வருத்தும். தேர்வு நம்முடையது!

*****