26 Jan 2017

ஆன்மாவின் நட்சத்திரம்


ஆன்மாவின் நட்சத்திரம்
"இத்தனை நட்சத்திரங்களில்
எந்த நட்சத்திரம்
என் ஆன்மா?"
தேடித் தேடிக்
களைத்த பின்
ஒரு நட்சத்திரம் சொன்னது,
"என்னை உன்
ஆன்மாவாக ஏற்றுக் கொள்!"
என்று.
"நீயெப்படி என் ஆன்மா?"
என்றேன்.
"நான் உன் ஆன்மா இல்லை!
உன் ஆன்மா என்றால்
உன்னை ஏற்றுக் கொள்ளவே கொள்ளாது!
அதனால் உன்னை
ஏற்றுக் கொண்டேன்!"
என்றது அது!
*****

புலப்படும் கனவுகள்
என் கனவுகள்
அவர்களுக்குத் தெரிகிறது
என்றார்கள்,
என் பேஸ்புக்கிலும்
இமெயிலிலும்
கள்ளச்சாவி போட்டு
நுழைந்தவர்கள்!
*****

No comments:

Post a Comment