நாம் ஏன் ஷேர் செய்கிறோம்?

நாம் ஏன் ஷேர் செய்கிறோம்?

            வாட்ஸ் அப், பேஸ்புக்கில் கடவுளர்களின் படங்களைப் போட்டு இதை 100 பேருக்கு ஷேர் செய்யுங்கள், நல்லது நடக்கும் என்கிறார்கள்.

            இப்படி செய்வதன் மூலம் (அ) செய்யச் சொல்வதன் மூலம் ஒரு நல்லதைச் செய்து விட்டதாக ஷேர் செய்ய சொன்னவர் நினைக்கிறார்.

            அப்படி செய்தால் நல்லது நடக்கும் என அதை பார்த்தபின் ஷேர் செய்ய நினைப்பவரும் நினைக்கிறார்.

            அந்த கடவுளர் படம் தொடர்ந்து ஷேர் செய்யப்பட்டுக் கொண்டே இருக்கிறது. ஆனானபட்ட கடவுளுக்கு இப்படி ஒரு விளம்பரம் தேவைப்படுகிறது என்று யாரும் நினைப்பதில்லை.

            தாங்கள் நல்லவிதமாக இல்லை என்று நினைக்கும் மக்கள் அதிகம் இருக்கிறார்கள். அவர்களைக் குறி வைத்தே இது போன்ற விசயங்கள் செய்யப்படுகின்றன.

            மக்களின் எதிர்பார்ப்பைத் தூண்டி விட்டால் அவர்கள் எதையும் செய்வார்கள். அவர்கள் ஷேர் செய்து கொண்டே இருப்பதற்கு இதுதான் காரணம்.

            பையில் பத்தாயிரம் ரூபாய் பல்க்காக இருந்தாலும், தரையில் கிடக்கும் பத்து ரூபாய்க்காக குனியும் மனிதர்கள் இருக்கிறார்கள். அது போல எவ்வளவுதான் நன்றாக இருந்தாலும், இது போன்ற "நல்லது நடக்கும்" என்ற விசயங்களைப் பார்க்கும் போது பத்து ரூபாயைப் பொறுக்கும் புத்தி வந்து விடும்.

            அதுவுமில்லாமல் ஷேர் செய்பவர்களுக்கு இது போன்ற ஷேர் செய்ய ஒரு விசயம் தேவைப்படும் என்பதும் இது போன்ற விசயங்களைக் கோர்த்து விடும் எத்தர்களுக்கு நன்றாகவே தெரியும்.

*****