ஒபாமா - ஓர் ஒப்பீடு

ஒபாமா - ஓர் ஒப்பீடு

            ஒபாமா - ஒசாமா என்ற ஓர் எழுத்து வேறுபாட்டை, ஒசாமாவை வீழ்த்தி உலகெங்கும் ஒரு முடிவுக்கு கொண்டு வந்தவர் ஒபாமா.

            எட்டு ஆண்டுகள் ஒரு எட்டு வைத்து அவர் அரசியல் எதிரிகள் நெருங்க முடியாத மக்கள் செல்வாக்கில் இருந்தவர். தேர்தல் கணிப்புகள் அவர் கட்சிக்குத்தான் இனிப்புகள் தந்தன.

            ஆனால் பாருங்கள்,

            அமெரிக்காவின் வேலையில்லாத் திண்டாட்டத்தை ஒரு முடிவுக்குக் கொண்டு வந்த, அவர் கட்சிக்கு வேலையில்லாமல் ஒரு முடிவுக்குக் கொண்டு வந்து விட்டது அமெரிக்க மக்களின் தீர்ப்பு.

            எந்த உலக நாடுகளையும் அச்சுறுத்தாமல் இவ்வளவு மென்மையான அமெரிக்க அதிபர் அநேகமாக இனி அமெரிக்காவுக்கு கிடைக்கலாம், கிடைக்காமலும் போகலாம்.

            அப்படிப்பட்ட,

            நிதானமான மக்களாட்சிக்கு அவர் ஒரு டிரெண்ட் செட்டர். அதை மாற்றி டிரம்ப் பெட்டர் என்று முத்திரை குத்தி விட்டனர் அமெரிக்க Voter.

            அமெரிக்காவுக்காக அவர் ஒபாமா கேர் என்பதை அறிமுகம் செய்தாலும், இந்த உலகை அச்சுறுத்தக் கூடிய ஆளில்லா ஆள்கொல்லி விமானம் டிரோனையும் அவர் அறிமுகம் செய்திருக்கிறார்.

            இவைகளையெல்லாம் கூட்டிக் கழித்துப் பார்த்து மண்டை குழம்பிப் போனால், உலக அமைதிக்கான நோபல் பரிசு பெற்ற ஒபாமாவுக்கு தெரிந்துதான் நடந்திருக்குமோ, தெரியாமல்தான் நடந்திருக்குமோ முள்ளிவாய்க்கால் படுகொலைகளும், சிரியா பிரச்சனைகளும்.

*****