துளியோண்டு கேள்வி

கற்கள்

முதல் கல்

எறியப்பட்ட போதே

உலகின் முதல் ஆயுதம்

தயாராகி விட்டது!

மாங்காய் அடிக்கவும்

மண்டை உடைக்கவும்

எறியப்பட்ட கற்கள் எல்லாம்

விளையாட்டுத் தன்மையோடு

தொடர்புடையவை!

நீர் குடிக்க குடத்திற்குள்

காகம் எறிந்த கல்

பயன்பாட்டோடு தொடர்புடையது!

மண்டையில் எறியப்பட்ட

பாறாங்கல் மட்டும்

இராஜதந்திரத்தோடு தொடர்புடையது!

ஆசைகள் தீராத மனது

உணர்ச்சிகளை எறிந்து கொண்டே

இருக்கிறது

வாழ்க்கையெனும் குளத்தில்!

*****

துளியோண்டு கேள்வி

விழும்

இந்த நீர்த்துளி

எத்தனை முறை

மேகமாயிருக்கும்?

எத்தனை முறை

மழைத்துளியாயிருக்கும்?

*****