ஏன் என்று?

சண்டை

ஒரு சண்டை

பல உண்மைகளைக்

கொண்டு வருகிறது!

புதிய சொற்களை

அழைத்து வருகிறது!

நடிப்புகளைச் சொல்லித் தருகிறது!

முடிவில் சமாதானத்தையும்

செய்து வைத்து விடுகிறது!

சமாதானத்திற்குப் பின்

மற்றொரு சண்டையையும்

தொடங்கி வைத்து விடுகிறது!

*****

ஏன் என்று?

"இரவில் பார்த்தால்

மலை போல இருக்கிறது!

பகலில் மட்டும்

மரமாகி விடுகிறது?"

என்று கேட்ட மகளிடம்

சொன்னேன்,

"நீயும்தான்

திடீரென்று பார்க்கும் போது

தேவதையாகி விடுகிறாய்!

நிதானித்துப் பார்க்கும் போது

மகளாகி விடுகிறாய்!"

*****