உண்டெனப்படுவது...

உண்டெனப்படுவது...

மக்கள் தொகை அதிகமுள்ள

இந்தியாவில்

குழந்தைக் கருத்தரிப்பு மையங்கள் உண்டு

படிப்பறிவு அதிகமுள்ள

கேரளாவில்

தற்கொலைகள் அதிகமுண்டு

வந்தாரை வாழ வைக்கும்

தமிழகத்தில்

விவசாயிகள் தற்கொலைகள் உண்டு

நாகரிகமாக வாழ்வதாகச் சொல்லும்

நகரத்தில்

சாக்கடை நதிகள் உண்டு

நிவாரணம் கிடைக்காமல் போனாலும்

ஓட்டுக்கு துட்டு

கட்டாயம் உண்டு

இந்த நாட்டில் கடன் வாங்கி

அல்லல் படுபவர்களும் உண்டு

வெளிநாட்டிற்குச் சென்று

கல்தா கொடுப்பவர்களும் உண்டு

கல்விக் கடனில் படித்தவர்கள்

வட்டித் தொழில்

நடத்துவது உண்டு

காலை காபி குடித்து

தினசரி படித்து

இவைகளையெல்லாம் சிந்திப்பவர்கள்

அத்தோடு அவைகளை விட்டு விடுவதும் உண்டு

முடிந்தவர்கள் இதை எழுதி

காசாக்குவதும் உண்டு

*****