மனித மிருகத்துக்கான பல்லுயிர் பாடம்

மனித மிருகத்துக்கான பல்லுயிர் பாடம்

ஆயிரக்கணக்கான விதைகளை

அனுப்பிக் கொண்டிருக்கும் மரம்

அத்தனை விதைகளும்

முளைக்க வேண்டும் என்றா ஆசைப்படுகிறது

சாக்கடை நீரிலும் செடி முளைக்கும் போது

முடியாது என்றாலும் முயன்றால் வெற்றி கிடைக்கும்.

அதிக பயிற்சி மற்றும் முயற்சியின் போது

சலிப்படையலாம் சோர்வடையலாம் விரக்தியடையலாம்

வெற்றியை விட முக்கியமானது

சலிப்படையாமல் இருப்பது விரக்தியடையாமல் இருப்பது

மற்றும் சோர்வடையாமல் இருப்பது

எப்போதும் ஒன்றைப் புரிந்து கொள்ளுங்கள்

நீங்கள் மரங்களை வளர்க்க வேண்டாம்

காடுகளை எதுவும் செய்யாமல் இருந்தால் போதும்

உங்கள் நம்பிக்கைக்கும் உற்சாகத்துக்கும்

நீங்கள் அதையே செய்தால் போதும்

இப்போது குப்பைகள் பெருகி விட்டன

இந்தக் குப்பைகளை ஒழித்து கட்டுவது

பெரிய வேலை என்று நினைத்துக் கொள்ளாதீர்கள்

சில நாட்களில் சில வாரங்களில் சில மாதங்களில்

அனைத்துக் குப்பைகளும் மக்கி விடும்

உங்கள் பிரச்சனைகளும் சிக்கல்களும் கஷ்டங்களும் அப்படியே

இப்போது இன்னொன்றையும் புரிந்து கொள்ளுங்கள்

மற்ற மிருகங்களை விட

மனித மிருகம் ஆபத்தாக இருப்பதற்குக் காரணம்

மற்ற மிருகங்களுக்கு ஆசைகள் இல்லை

மனித மிருகத்துக்கு அது அதிகமாகவே இருக்கிறது

இப்போது உங்களுக்குப் புரிந்ததா

*****

உலகின் ஒன்பதாவது அதிசயம்!

உலகின் ஒன்பதாவது அதிசயம்!

இந்த நேரத்தில் அதாவது இந்த நவம்பர் மாதத்தில் டெல்டா மாவட்டங்களின் கடைமடைப் பகுதிகளில் வயல்களைப் பார்ப்பது எவ்வளவு மகோன்னதமான காட்சியாக இருக்கும் தெரியுமா?

பச்சைப் பசேலென்று நெற்பயிர்கள் காற்றில் அசைந்தாடுவது கடல் அலைகளைப் பச்சை நிறத்தில் பார்ப்பது போல இருக்கும். நிலமகள் பச்சைப் பட்டாடை உடுத்தியிருப்பது போல என்று சொல்வது எவ்வளவு உண்மை என்பது அந்தக் காட்சியைக் காணும் போது புரிய வரும்.

உங்கள் கிராமங்களில் அப்படித்தான் வயல்கள் தற்போது காட்சி அளிக்கின்றனவா? டெல்டாவின் கடைமடைப் பகுதி கிராமங்களில் ஒன்றான எங்கள் கிராமத்தில் அப்படிப்பட்ட காட்சியை இந்த ஆண்டு ஏனோ காண கிடைக்கவில்லை.

ஆங்காங்கே இடையிடையே நிலங்கள் தரிசாகக் கிடக்கின்றன. ஒவ்வொரு வயலிலும் முன்னே பின்னே நெற்பயிர் வளர்ந்திருப்பதில் பச்சைக் கடலலையைப் பார்ப்பது போன்ற காட்சியையோ, நிலமகள் பச்சைப் பட்டாடை உடுத்தியது போன்ற நேர்த்தியையோ காண முடியவில்லை. இது டெல்டாவில் நேர்ந்திருக்கும் உல்டா. டெல்டாவுக்கு வந்த சோதனை.

நாற்றாங்கால் அமைத்து நாற்று பறித்து நடவு நட்ட காலம் மலையேறி எங்கேயோ போய் விட்டது. தெளிவிதை முறையிலான விவசாயத்தில் வயல்களில் காடுகள் போல களை மண்டிக் கிடக்கின்றன. கையில் பணம் இருப்போர் ஆட்களை வைத்துக் களை எடுக்கின்றனர். முடியாதோர் களையோடு களையாக நெற்பயிர் வளரும் வரை வளரட்டும், வளராவிட்டால் போகட்டும் என்று விட்டு விட்டனர்.

இதற்கிடையே ஆங்காங்கே நடவு இயந்திரம் மூலம் நட்டு வைத்திருப்பவர்களின் வயல்களும் இருக்கின்றன. அந்த வயல்களில் களைகள் அவ்வளவாக இல்லை. அந்த வயல்கள்தான் நாற்று தூர் கட்டி பார்ப்பதற்கு கொஞ்சம் நேர்த்தியாக இருக்கின்றன. ஆனாலும் நாற்று பறித்து நடவு நடும் வயல்களின் அழகுக்கு அதுவும் ஈடாகாது.

முன்பெல்லாம் வயல்களைத் தரிசு போட முடியாதபடிக்கு விவசாயிகளிடம் அது ஒரு கௌரவப் பிரச்சனையாக இருந்தது. யாருடைய வயலையும் தரிசு போட யாரும் அனுமதிக்க மாட்டார்கள். இப்போது வயல்களைத் தரிசு போடுவதைக் கடனில் சிக்காமல் கௌரவமாக இருப்பதற்கு ஒரு வழிமுறையாக விவசாயிகள் பார்க்கத் தொடங்கி விட்டனர். இப்படி ஒரு புதிய மனநிலைக்குப் பல சிறு குறு விவசாயிகள் வந்து விட்டனர்.

ஏன் டெல்டாவின் கடைமடைப் பகுதிகளில் விவசாயம் இப்படி ஆனது?

சம்பா பருவத்தில் ஒரே நேரத்தில் நாற்று விடுவதும், நாற்று பறிப்பதும், நாற்று நடுவதும் எல்லாம் ஒரே சீராக இருக்கும் காலம் ஒன்றிருந்தது. அப்போது பாசனமும் சரியாக இருந்தது. விவசாயிகளிடம் ஒற்றுமையான மனப்பாங்கும் இருந்தது. இப்போது ஆற்றில் தண்ணீர் வருவதிலிருந்து, ஆற்றிலிருந்து வாய்க்கால்களுக்குத் தண்ணீர் வந்து, வாய்க்கால்களிலிருந்து வயலுக்குத் தண்ணீர் செல்வது வரை எல்லாவற்றிலும் சீரற்ற தன்மை காணப்படுகிறது.

ஆற்றில் முறை வைத்து சரியாகத் தண்ணீர் வருவதில் முதல் சிக்கல் உண்டாகிறது. இது தண்ணீர் திறந்து விடும் அரசு நிர்வாக தரப்பில் உண்டாகும் பிரச்சனை. ஆற்றில் வந்த தண்ணீர் வாய்க்காலில் வருவது அடுத்த பிரச்சனை.  இதற்கு வருடா வருடம் தூர் வாராமல் கிடக்கும் வாய்க்கால்கள் ஒரு காரணம் என்றால், வருடா வருடம் ஒப்பந்தக்காரர்கள் செழிக்க வேண்டும் என்பதற்காகவே ஆழம் புரியாமல் தூர் வாரி விடுவது மற்றொரு காரணம்.

வாய்க்கால்களிலிருந்து வயல்களுக்குத் தண்ணீர் பாய்வதில் நிலவும் பிரச்சனை விவசாயிகளால் ஏற்பட்டவை. இது விவசாயிகளே விவசாயத்துக்கு வைத்துக் கொண்ட சூன்யம். வடிகால் வாய்க்கால்களை அழித்து விட்ட அவர்கள் பாசன வாய்க்கால்களையும் சுருக்கி விட்டார்கள். ஏன் இப்படி செய்தார்கள் இந்த விவசாயிகள்? வாய்க்கால்களைத் தூர்த்து வயல்களை விரிவுபடுத்தினால் கூடுதலாக கிடைக்கும் அந்த நிலப்பரப்பில் ஒரு மூட்டையோ, இரண்டு மூட்டையோ கூடுதலாக நெல் விளைந்து, அதன் மூலம் நாட்டின் நெல் உற்பத்தி அதிகரித்து விடாதோ என்ற சிந்தனைதான் காரணமோ என்னவோ?

இப்படி விவசாயத்திற்கு எதிராக பாசன நிர்வாகம், விவசாயப் பணிகளின் மேலாண்மை மற்றும் விவசாயிகள் எல்லாரும் இருந்தும் விவசாயம் எப்படியோ இந்தக் கடைமடைப் பகுதிகளில் நடந்து கொண்டிருக்கிறது என்பதே உலகின் ஒன்பதாவது அதிசயம்தான். இந்த அதிசயம் தொடர்ந்து கொண்டிருக்கும் வரை எல்லாருக்கும் சோறு கிடைக்கும். இந்த அதிசயம் எப்போதும் நடந்து கொண்டிருக்க வேண்டும் என்பதுதான் உங்களைப் போன்று என்னுடைய பிரார்த்தனையும்.

*****

What's going to go down in a word of inquiry?

What's going to go down in a word of inquiry?

Nothing in this world is old. Everything is new. We can turn something new into something old. By using and cleaning the products in our care every day, the products will always remain fresh. The shine of products that are cleaned daily is more visible than that of new products. Our care and use will not make any item obsolete.

We thought we could sell the old bicycle and buy a new one. When asked what the price would be, they said that the price would be one-third of the current selling price. In terms of amount, they said that they will get a price between 1700 and 2000.

So we dropped off an old bicycle at a bicycle repair shop, thinking that we could refurbish the old one. It was only when we renewed it that we came to know that the fee was close to Rs 2000. The bicycle repairer had come up with the cost of refurbishing the bicylce at whatever price the bicycle would go for. He did not have to change the tires and tubes of the bicycle. But he had changed. He had removed many good parts and added new parts.

We should have asked for a word about how much it would cost. We carelessly made a calculation that it would be within a thousand, but it went wrong. He changed many parts of the bicycle to his liking and claim him six hundred rupees as wages. All together, two thousand rupees have claimed as cost. It gives you the experience of having to ask in advance what the proposed cost of anything will be.

Asking for an expense account, inquiring about the price of an item and then buying it, initially made us feel shy and hesitant. It was also understood that this was caused by our habits. Gradually we have now developed the habit of asking for the price of the product and then buying it. Similarly, we have formed the habit of buying by asking how much it will cost to do a job. We have also developed the habit of asking four or five people who know the details whether it will actually cost that much. It helps us in many ways. It helps to know the real value of a product, a job. I hope this habit will definitely help you too.

*****

தமிழகத்தில் கூட்டணி ஆட்சி சாத்தியமா?

தமிழகத்தில் கூட்டணி ஆட்சி சாத்தியமா?

தமிழகத்தில் கட்சிகள் கூட்டணி அமைத்துக் கொண்டு தேர்தலை எதிர்கொண்டிருக்கின்றன. ஆனால் தமிழகத்தில் கூட்டணி ஆட்சி அமைந்ததில்லை. அதற்கான சாத்தியங்கள்  தமிழகத்தில் அமைந்ததில்லையா என்று கேட்டால்…

2006 சட்டப்பேரவைத் தேர்தல் முடிவுகள் தமிழகத்தில் கூட்டணி ஆட்சிக்கான சாத்தியங்களைத் திறந்துவிட்டிருந்தன. எனினும் கூட்டணி ஆட்சி அமையவில்லை. அந்தத் தேர்தலில் திமுக 96 இடங்களிலும் காங்கிரஸ் 34 இடங்களிலும் வெற்றி பெற்றிருந்தன. நியாயமாகப் பார்த்தால் கூட்டணி ஆட்சிதான் அப்போது அமைந்திருக்க வேண்டும். திமுக தனிப்பெரும்பான்மையுடன் வெற்றி பெற்ற கட்சியைப் போன்றுதான் அப்போது ஆண்டது. அதனாலேயே திமுகவின் எதிர்க்கட்சியான அதிமுகவின் தலைவர் ஜெயலலிதா அப்போதைய திமுக அரசை மைனாரிட்டி திமுக என விமர்சித்ததும் நடந்தது.

இந்திய அளவில் என்று பார்க்கும் போது கூட்டணிக்கான சாத்திங்களே 1977க்குப்பிறகுதான் ஏற்பட்டது. அது இந்திரா காந்தி உருவாக்கிய அவசரநிலை பிரகடனத்தால் ஏற்பட்டது. அதைத் தொடர்ந்து 1989 லிருந்து 2014 வரை இந்தியாவில் நடந்ததெல்லாம் கூட்டணி ஆட்சிதான். தற்போது 2024லிருந்து மத்தியில் நடப்பதும் கூட்டணி ஆட்சிதான் என்றாலும் பாரதிய ஜனதா கட்சி தனிப்பெரும்பான்மையுடன் ஆட்சி செய்வதைப் போன்றுதான் கூட்டணிகளைச் சமாளித்துக் கொண்டு ஆண்டு கொண்டிருக்கிறது.

கூட்டணியாக இருந்தாலும் தனிப்பெரும்பான்மையுடன் இருப்பதான ஆளுமையுடன் ஆளும் திறனுள்ள கட்சித் தலைமைகளே ஐந்தாண்டு பதவிக் காலத்தை நிறைவு செய்திருக்கின்றன.

இப்போது நாம் எழுப்பிக் கொண்ட கேள்விக்கு வருவோம். தமிழகத்தில் கூட்டணி ஆட்சி அமைவதற்கான வாய்ப்புகள் இருக்கிறதா? அதற்கான சாத்தியக்கூறுகள் உண்டா? இல்லையா? என்ற கேள்வியானது தமிழக வெற்றிக் கழகத்தின் விஜய்யால் எழுந்திருக்கிறது. அவர் தன்னுடைய கட்சியின் முதல் மாநாட்டில் கூட்டணிக் கட்சிகளுக்கு ஆட்சியில் பங்கு உண்டு என்று சொல்லியிருக்கிறார். இதை அவர் அரசியல் அணுகுண்டு என்றும் குறிப்பிட்டிருக்கிறார்.

இது அநேகமாகத் தேர்தல் கூட்டணிக்கான வாக்குறுதியாக வழங்கப்பட்டு பின்னர் மக்களுக்கு வழங்கப்படும் தேர்தல் வாக்குறுதியைப் போல மறக்கப்படலாம் என்றே தோன்றுகிறது. பொதுவாக அரசியல் தலைவர்கள் மக்களுக்குத்தான் வாக்குறுதிகளை வழங்குவார்கள். தற்போது கூட்டணி சேர்க்கைக்காகவும் புதிய கட்சிகள் இப்படி வாக்குறுதிகளை வழங்க வேண்டியிருக்கிறது என்றே சொல்ல வேண்டியிருக்கிறது.

இந்தியா போன்ற பரந்து விரிந்த தேசத்தில் நிலவும் பிராந்திய வேறுபாடுகள் மத்தியில் கூட்டாட்சிக்கான சாத்தியங்களை உண்டாக்குகிறது. தமிழகத்தில் அப்படி வேறுபாடுகள் இருந்தாலும் தேசிய அளவில் பிரதிபலிப்பது போல சிதறுண்ட வகையில் அப்படி பிரதிபலிக்க வாய்ப்பில்லை என்பதைக் கருத்தில் கொள்ள வேண்டியிருக்கிறது.

எனவே தமிழகத்தைப் பொருத்த வரையில் கூட்டணி ஆட்சியெல்லாம் அமைய வாய்ப்பில்லை என்பதே 90 விழுக்காடு அளவுக்கு மாற்ற முடியாத கணிப்பு. இது சரியான கணிப்புதானா என்று கேட்டால் கணிப்புகளை மீறியதுதானே அரசியலும் பங்குச் சந்தையும் என்பதையும் குறிப்பிட வேண்டியிருக்கிறது.

*****

எந்தப் பிரச்சனையும் இல்லாத வாழ்க்கைக்கு…

எந்தப் பிரச்சனையும் இல்லாத வாழ்க்கைக்கு…

எந்தத் தொந்தரவும் வேண்டாம்

எந்தப் பிரச்சனையும் வேண்டாம்

எந்தச் சிக்கலும் வேண்டாம்

எந்த இம்சையும் வேண்டாம்

எந்த நெருக்கடியும் வேண்டாம்

எந்த நஷ்டமும் வேண்டாம்

எந்தச் சிரமமும் வேண்டாம்

எந்தக் கஷ்டமும் வேண்டாம்

அதற்கு ஏதேனும் வழியிருக்கிறதா

ஏன் இல்லாமல்

கூண்டுக் கிளியாக வாழப் பழகிக் கொள்

*****

Solutions available while changing lifestyles!

Solutions available while changing lifestyles!

Samudhira used to drink only half of the water bottle she took to school. The rest of the water will return home as is. How she is so thirsty is a mystery.

One day after sending her to school on a bicycle, her water bottle was empty when she returned home. She also complained that she did not have enough water today. Until then, she used to travel to and from school in luxury on a three-wheeler or two-wheeler. This incident made understand many things.

Do work that involves physical movements to the point of sweating. Only then will the blood flow be good. The body also sweats. Many physical problems that cannot be solved by sweating can be solved. That's how the problem of lack of thirst is right for her. A few things should be understood from this. Please share and recommend them to others.

Those employed who have no opportunity for physical work can use bicycle to commute to workplaces. If you are traveling long distances, you can cycle for at least six kilometers and then take a bus or a two-wheeler. Or the house can be arranged so that the location is within six kilometers between the place of work and the house. You can travel on a bicycle with such setup.

Those who don't have time to walk can walk two or three stops and take the bus. You can get off the bus two or three stops earlier and walk home.

Two-wheelers can park their vehicle at the parking lot a few kilometers ahead and walk. If you change your attitude a little, you can plan a walk or a bicycle ride to get some exercise.

Those who have time in the morning and evening can plan and organize walking and physical exercise. You can learn to practice yoga and make it a habit to do it in the morning. Gardening can also be done. This will get the vegetables needed for the home and physical work needed for the body.

It does not mean that you have to live with diabetes, high blood pressure or lipid-related disorders only through medicines. You can live without pills by changing your lifestyle.

Why seek medical solutions when lifestyle changes can provide good solutions for many of life's physical problems?

If you let the body work, if you let the blood flow throughout the body, the incurable diseases will be cured. Medical expenses will also change. You will also visit a new world. That is the world of health and wellness.

                                                                         *****

நீயும் என் தமிழனே! நீயும் என் இந்தியனே!

நீயும் என் தமிழனே! நீயும் என் இந்தியனே!

இருக்கின்ற வேலைகளை

தனியார் ஒப்பந்த வேலைகளை விடுவதற்கு

நிரந்தரப் பணிகளைத்

தற்காலிகப் பணிகளாக மாற்றுவதற்கு

விதிகளின்படி உள்ளதை

நீதிமன்றம் சென்று பெறுவதற்கு என்று

எதற்கு இருக்கிறது அரசாங்கம்

அதற்குத்தான் இருக்கிறது போலும் அரசாங்கம்

அரை நாள் முக்கால் நாள்

விடுமுறை வாங்கித் தருவதை

சாதனைகளாக நினைக்கின்ற

தொழிலாளர் இயக்கங்கள்

வாக்குறுதி கொடுத்தால்

நிறைவேற்ற வேண்டும் என்ற அவசியமில்லை என்று

நினைக்கும் அரசாங்கங்கள்

என்று குமுறி குமுறி கவிதை எழுதிக் கொண்டு

குஷாலாக இருந்தால் நீயும் என் தமிழனே

 

செயலிகள்

இணைய வழி இணைப்புகள்

அலைபேசி வழி பரிவர்த்தனைகள்

விரைவுத் துலங்கல் குறியீடுகள்

எத்தனையோ பேர் வருவதே இல்லை

இருந்தாலும் கூட்டம் தாங்கவில்லை என்று

அலுத்துக் கொள்ளும் வங்கி ஊழியர்களைப் பார்த்து

தமாஷாக இருந்தால் நீயும் என் இந்தியனே

*****

மட்டையான மட்டைப் பந்து!

மட்டையான மட்டைப் பந்து!

நூற்று இருபது பந்துகள் விளையாடத் தெரிந்த அளவுக்கு

ஐந்து நாள் போட்டி விளையாடத் தெரியாது

அல்லது

ஐந்து நாள் போட்டி விளையாடத் தெரிந்த அளவுக்கு

நூற்று இருபது பந்துகள் விளையாடத் தெரியாது

அல்லது

ஒரு நாள் போட்டி விளையாடத் தெரிந்த அளவுக்கு

ஐந்து நாள் போட்டி விளையாடத் தெரியாது

அல்லது

ஐந்து நாள் போட்டி விளையாடத் தெரிந்த அளவுக்கு

ஒரு நாள் போட்டி விளையாடத் தெரியாது

எப்போது எதுவிளையாடத் தெரியும்

எது விளையாடத் தெரியாது என்பது

விளையாடுபவர்களுக்கும் தெரியாது

விளையாட்டை

வெட்டித்தனமானய் வெறித்தனமாய்

நோக்கும் ரசிர்களுக்கும் தெரியாது

ஒன்று பரிதாபமாகத் தோற்பார்கள்

அல்லது பிரமாதமாக வெற்றி பெறுவார்கள்

எதுவென்று தெரிகிறதா

இதுவென்று புரிகிறதா

அதுவன்றோ இந்திய மட்டைப் பந்து அணி

*****

இப்படித்தான் எல்லாம்!

இப்படித்தான் எல்லாம்!

இப்படித்தான் வழங்கப்படுகின்றன இலவசங்கள்

ஒரு தோடு வாங்கினால் இன்னொரு தோடு இலவசம்

அதிர்ஷ்ட நாட்கள் இப்படித்தான் கணக்கிடப்படுகின்றன

தலைக்கவசம் அணியாமல் சென்று

தண்டம் அழாமல் வரும் நாட்கள் அதிர்ஷ்ட நாட்கள்

தள்ளுபடிகளில் இப்படித்தான் மகிழ்ச்சி கிடைக்கிறது

உடனடியாகச் செய்து கொண்ட அறுவை சிகிச்சைக்கு

இருபது சதவீத தள்ளுபடி

லாபங்கள் இப்படித்தான் புரிந்து கொள்ளப்படுகின்றன

திருடு போனதைக் கண்டுபிடிக்க புகார் கொடுக்காமல்

கண்டு கொள்ளாமல் விட்டு விடுவது லாபம்

கடைசி வரை இப்படித்தான் வாழப்படுகிறது வாழ்க்கை

உன்னுடன் மனிதர் வாழ்வாரா என்றபடி

எப்படியோ கடைசி வரை வாழ்ந்து முடித்து விடுகிறார்கள்

இப்படித்தான் என்றில்லாமல் எதைக் கேட்டாலும்

காலம் பதில் சொல்லும் என்கிறார்கள்

காலத்திற்கும் பரீட்சை வைத்து

மதிப்பெண் போட நினைக்கும் மனிதர்கள்

இப்படித்தான் வெற்றியை நம்ப முடியாத மனிதர்கள்

அதை கடவுள் கொடுத்தது என்கிறார்கள்

இப்படித்தான் தோல்வியை நம்ப முடியாத மனிதர்கள்

அதை மனிதர்கள் கொடுத்தது என்கிறார்கள்

இப்படித்தான் ஏரிகள் மேல் வீடுகளைக் கட்டி

வீடுகள் ஏரியாகும் போது

போக்குவரத்து நெரிசலுக்காகக் கட்டிய மேம்பாலங்களில்

வாகனங்களை நிறுத்தி வைக்கிறார்கள்

முன்யோசனையுள்ள மனிதர்கள்

*****

ஒரு வார்த்தை விசாரிப்பதில் என்ன குறைந்து விடப் போகிறது?

ஒரு வார்த்தை விசாரிப்பதில் என்ன குறைந்து விடப் போகிறது?

இந்த உலகில் எதுவும் பழையது இல்லை. எல்லாம் புதுமையானதுதான். புதுமையாக இருக்கும் ஒன்றை நாம் பழையதாக மாற்றி விடலாம். நம் பராமரிப்பில் உள்ள பொருட்களை அன்றாடம் பயன்படுத்துவதாலும், அதைத் தூய்மை செய்ய வைப்பதாலும் பொருட்கள் எப்போதும் புதுமை மாறாமல் அப்படியே இருக்கும். புதிதாக வாங்கும் பொருளை விட அன்றாடம் பயன்படுத்தித் தூய்மை செய்து வைக்கும் பொருட்களின் பளபளப்பு தனித்துத் தெரியும். நமது பராமரிப்பும் பயன்பாடும் எந்தப் பொருளையும் பழையதாக்க விடாது.

பழைய மிதிவண்டி ஒன்றை விற்று விட்டு புதிய மிதிவண்டி ஒன்றை வாங்கலாம் என்று நினைத்தோம். என்ன விலைக்குப் போகும் என்று விசாரித்த போது தற்போதைய விற்கும் விலையில் மூன்றில் ஒரு பங்கு விலைதான் கிடைக்கும் என்றார்கள். தொகையில் சொல்வதென்றால் 1700 லிருந்து 2000 க்குள் ஒரு விலை கிடைக்கும் என்றார்கள். 

அப்படியானால் பழைய வண்டியைப் புதுப்பித்துக் கொள்ளலாம் என்று நினைத்து பழைய மிதிவண்டி ஒன்றை மிதிவண்டி பழுது பார்க்கும் கடை ஒன்றில் விட்டோம். அதைப் புதுப்பித்த போதுதான் அதற்கு ஆன கட்டணம் 2000 ரூபாயை நெருங்கியதை அறிந்தோம். என்ன விலைக்கு அந்த வண்டி விலை போகுமோ அதே விலைக்கு புதுப்பிக்கும் செலவைக் கொண்டு வந்திருந்தார் மிதிவண்டியைச் சரிசெய்பவர். அவர் வண்டியின் டயர், டியூப்புகளை மாற்றியிருக்க வேண்டியதில்லை. மாற்றியிருந்தார். நல்ல பாகங்கள் பலவற்றையும் உருவி புதிய பாகங்கள் போட்டிருந்தார்.

எங்கள் பக்கத்துத் தவறு என்னவென்றால் எவ்வளவு செலவு ஆகும் என்று ஒரு வார்த்தையாவது கேட்டிருக்க வேண்டும். என்ன பெரிதாக ஆகப் போகிறது? ஆயிரத்திற்குள்தான் ஆகும் என்று அலட்சியமாக நாங்களே ஒரு கணக்கிட்டுக் கொண்டது தவறாகப் போய் விட்டது. அவர் இஷ்டத்துக்கு வண்டியில் உள்ள ஏகப்பட்ட பாகங்களை மாற்றி அவருக்குக் கூலியாக அறுநூறு ரூபாயைப் போட்டு விட்டார். எல்லாம் சேர்த்து இரண்டாயிரம் வந்து விட்டது. எதற்கும் உத்தேச செலவு எவ்வளவு ஆகும் என்பதை முன்கூட்டியே கேட்டிருக்க வேண்டும் என்ற அனுபவத்தை இது தருகிறது.

செலவினக் கணக்கைக் கேட்பதோ, ஒரு பொருளின் விலை என்னவென்று விசாரித்து விட்டு வாங்குவதோ ஆரம்பத்தில் எங்களுக்குக் கூச்சமும் தயக்கமும் தருவதாகத்தான் இருந்தது. இது நாங்கள் பழகிய பழக்கத்தால் நாங்களே ஏற்படுத்திக் கொண்டது என்பதும் புரிந்தது. படிப்படியாகத் தற்போது பொருளின் விலையைக் கேட்டு விட்டு வாங்கும் பழக்கத்தை இப்போது உருவாக்கிக் கொண்டு விட்டோம். அதே போல ஒரு வேலையைச் செய்வதென்றால் உத்தேசமாக அதற்கு எவ்வளவு செலவாகும் என்பதைக் கேட்டு வாங்கும் பழக்கத்தையும் ஏற்படுத்திக் கொண்டு விட்டோம். உண்மையில் அவ்வளவுதான் செலவாகுமா என்பதை விவரம் அறிந்த நான்கைந்து பேரிடம் விசாரித்துப் பார்க்கும் பழக்கத்தையும் வளர்த்துக் கொண்டு விட்டோம். இது பல வகைகளில் எங்களுக்கு உதவுகிறது. ஒரு பொருளின், ஒரு வேலையின் உண்மையான மதிப்பை அறிந்து கொள்ள உதவுகிறது. உங்களுக்கும் இந்தப் பழக்கம் நிச்சயம் உதவும் என்று நம்புகிறேன்.

*****

கிரகம்

கிரகம்

எந்த வேலையும் இல்லாமல் சுற்றித் திரிவது இளமாறனின் வாழ்க்கை இலட்சியம் என்றால் உங்களுக்குக் கோபம் வராதுதானே? அப்படிப்பட்டவனுக்கு மதுமிதாவைக் கண்டதும் காதல் வந்தது என்றால் உங்களுக்கு அதிர்ச்சியாக இருக்காதுதானே? மதுமிதாவுக்கு புட்டுக் கொண்ட இரண்டு காதல்கள் (பிரேக் அப்புகள்) கடந்த காலத்தில் இருந்தன.

என்னவோ இளமாறன் எந்த வேலைக்கும் போக முடியாது என்று சொன்னது மதுமிதாவுக்குப் பிடித்திருந்தது. இப்படியுமா ஒரு பெண் இருப்பாள் என்று நீங்கள் கேட்கலாம். எங்கேயாவது போனால்தானே ஓர் ஆண் இன்னொரு பெண்ணைப் பார்த்து விட்டுத் தன்னைக் கழற்றி விடுகிறான் என்ற நினைத்த மதுமிதாவுக்கு இளமாறனைப் பிடித்துப் போனதில் இப்போது உங்களுக்கும் எந்த வியப்பும் இருக்காது என்று நினைக்கிறேன்.

இந்தக் காதல் புட்டுக் கொள்ளாமல் போகும் என்று நினைத்த மதுமிதாவுக்கு அந்தக் காதலும் புட்டுக் கொண்டு போவதற்கு அவள் அழைத்து வந்த ஆத்ம நண்பி ஆத்மிகாவே காரணமானாள் என்பது நீங்கள் எதிர்பார்க்காத திருப்பமாக இருக்கும் என்று நினைக்கிறேன்.

இளமாறனுக்கு மதுமிதாவைக் கண்டதும் காதல் வந்தது போல ஆத்மிகாவைக் கண்டதும் காதல் வந்தது. அது சரி. அப்படி வராமல் இருக்கக் கூடாதா என்ன? ஒரு முறைதான் கண்டதும் காதல் வர வேண்டுமா என்ன? மதுமிதா எவ்வளவோ சொல்லிப் பார்த்தாள், கெஞ்சிப் பார்த்தாள். இளமாறனால் ஆத்மிகாவின் மீதான காதலை முறிக்க முடியவில்லை.

அடுத்தாக ஆத்மிகாவுடன் துவங்கியது இளமாறனின் காதல் பயணம் என்பது நான் சொல்லித்தான் தெரிய வேண்டுமா உங்களுக்கு? சில நாட்களில் அதுவும் மாறியது. இந்த முறை மாறியது இளமாறனில்லை, ஆத்மிகா. ஆனந்தைப் பார்த்ததும் ஆத்மிகா இளமாறனைத் துண்டித்தாள் என்று நீங்களே கதையைத் தொடர்ந்து கொள்ளலாம்.

அடுத்த என்ன நடந்தது என்று கேட்டால் நீங்கள் அசந்து போவீர்கள்.

இளமாறன் வேறு வழியில்லாமல் வேலைக்குப் போக ஆரம்பித்தான். வேலைக்குச் சேர்ந்து அவன் போன முதல் வேலை என்னவென்று கேட்டால் இன்னும் அசந்து போவீர்கள். மதுமிதா வீட்டுக்கு பீட்சாவை எடுத்துக் கொண்டு போனதுதான் அவன் செய்த முதல் வேலை.

மிகச் சரியாக மதுமிதாவின் வீட்டுக்கு பீட்சா கொண்டு செல்லும் வேலை அவனுக்கு எப்படி வந்தது என்கிறீர்களா?

இளமாறன் புட்டுக் கொண்ட வருத்ததில் இருந்த மதுமிதாவுக்கு மதன் கிடைத்ததும் அவனுடன் சேர்ந்து இந்த பீட்சாவுக்கான ஆணையை அலைபேசி செயலியில் போட்டிருந்தாள். அந்த ஆணை அந்த நிறுவனத்தில் வேறு யாருக்கும் போகாமல் இளமாறனுக்குச் சரியாக வந்ததுதான் கிரகம் என்று நான் சொல்கிறேன். இதை நீங்கள் எப்படி சொல்வீர்கள்?

*****

தற்கொலைக்குத் தயாராக்கப்படும் மாவீரன்!

தற்கொலைக்குத் தயாராக்கப்படும் மாவீரன்!

துப்பாக்கிப் பிடிப்பதினும் முக்கியம்

உன்னை நீயே சுட்டுக் கொள்ளாமல் இருக்க வேண்டும்

பறவைகள் தாக்காது என தப்புக் கணக்கு போடக் கூடாது

கண்கொத்திப் பறவைகள் கொத்தி விட்டால்

குறி பார்க்க கண்கள் இருக்காது

வீரத்தைச் சாய்க்க வீரமே வராது

தந்திரங்கள் கோழைத்தனத்தோடு பின்தொடர்ந்து வருகையில்

யோசிப்பதற்கோ முடிவெடுப்பதற்கோ

நேரமில்லாத பொழுதில் நீ சுட்டுப் பொசுக்கப்படலாம்

வீரத்தை வெளிக்காட்டாமல் இருப்பதே வீரம் என்பது

இப்போது புரிகிறதா உனக்கு

மாவீரத்தைச் சாய்ப்பதற்கான

மாபெரும் தந்திரங்கள் முளை விட்டுக் கொண்டே இருக்கின்றன

இந்தப் பூவுலகில்

இது எதுவும் தெரியாதது போல

சுற்றிக் கொண்டிருக்கும் இந்தப் பூமிக்கு எல்லாமும் தெரியும்

மாவீரனைத் தற்கொலைக்குத் தூண்டுவது ஒன்றும் புதியதன்று

*****

 

வாழ்க்கை முறையை மாற்றும் போது கிடைக்கும் தீர்வுகள்!

வாழ்க்கை முறையை மாற்றும் போது கிடைக்கும் தீர்வுகள்!

சமுத்திரா பள்ளிக்கு எடுத்துச் செல்லும் தண்ணீர் புட்டியில் பாதி தண்ணீரைத்தான் குடித்திருப்பாள். மீதி பாதிப்புட்டி தண்ணீர் அப்படியே வீடு திரும்பும். எப்படி இவளுக்குத் தாகம் இவ்வளவு கம்மியாக இருக்கிறது என்பது புரியாத புதிராக இருக்கும்.

அவளை ஒருநாள் மிதிவண்டியில் பள்ளிக்கு அனுப்பிய அன்று, வீடு திரும்பிய போது அவளது தண்ணீர் புட்டி காலியாக இருந்தது. இன்று தனக்குத் தண்ணீர் போதவில்லை என்றும் புகார் சொன்னாள். அதுவரை அவள் முச்சக்கர அல்லது இரு சக்கர வாகனத்தில் அமர்ந்து சொகுசாகப் பள்ளிக்குச் சென்று கொண்டும் வந்து கொண்டும் இருந்தாள். இந்தச் சம்பவம் பலவற்றைப் புரிய வைத்தது.

வியர்க்கும் அளவுக்கு உடல் சார்ந்த இயக்கங்களுக்கு உட்படும் வேலைகளை செய்ய வேண்டும். அப்போதுதான் ரத்த ஓட்டம் நன்றாக இருக்கும். உடலும் வியர்க்கும். உடல் வியர்த்தாலே தீர்வு காணப்படாத பல உடல் பிரச்சனைகளுக்குத் தீர்வு கிடைத்து விடும். தாகமின்மை என்ற பிரச்சனை அவளுக்குச் சரியானது அப்படித்தான். இதிலிருந்து சில விசயங்களைப் புரிந்து கொள்ள வேண்டும். அவற்றை மற்றவர்களுக்கும் பகிர்ந்து கொள்ளவும் பரிந்துரைக்கவும் வேண்டும்.

உடல் உழைப்புக்கான வாய்ப்பில்லாத வேலையில் இருப்பவர்கள் பணியிடங்களுக்குச் செல்வதற்கு மிதிவண்டியைப் பயன்படுத்தலாம். நெடுந்தூரம் பயணிப்பவர்கள் என்றால் குறைந்தது ஆறு கிலோ மீட்டர் தூரமாவது மிதிவண்டியில் சென்று பிறகு பேருந்திலோ அல்லது இரு சக்கர வாகனத்திலோ செல்வது போல பயணத்தை அமைத்துக் கொள்ளலாம். அல்லது பணியாற்றும் இடத்திற்கும் வீட்டுக்கும் இடையே ஆறு கிலோ மீட்டருக்குள் இருப்பிடம் அமையுமாறு வீட்டை அமைத்துக் கொள்ளலாம். அப்படி அமைத்துக் கொண்டு மிதிவண்டியில் பயணிக்கலாம்.

நடைபயிற்சிக்கு நேரமில்லை என்பவர்கள் இரண்டு மூன்று நிறுத்தங்கள் நடந்து சென்று பேருந்து ஏறலாம். இரண்டு மூன்று நிறுத்தங்களுக்கு முன்பே பேருந்திலிருந்து இறங்கி வீட்டுக்கு நடந்து வரலாம்.

இரு சக்கர வாகனங்களில் செல்பவர்கள் சில கிலோ மீட்டருக்கு முன்பாக இருக்கும் வாகன நிறுத்துமிடத்தில் வாகனத்தை நிறுத்தி விட்டு நடந்து செல்லலாம். கொஞ்சம் அணுகுமுறையை மாற்றிக் கொண்டால் உடல் இயக்கத்துக்குத் தேவையான நடை பயிற்சியையோ, மிதிவண்டிப் பயணத்தையோ திட்டமிட்டு அமைத்துக் கொள்ளலாம்.

காலை மற்றும் மாலை நேரங்களில் நேரம் கிடைக்கிறது என்பவர்கள் நடை பயிற்சியையும் உடற்பயிற்சியையும் திட்டமிட்டு அமைத்துக் கொள்ளலாம். யோகப் பயிற்சியைக் கற்றுக் கொண்டு அதிகாலை வேளையில் செய்வதையும் வழக்கமாக்கிக் கொள்ளலாம். தோட்டமிடும் பணிகளையும் செய்யலாம். இதனால் வீட்டிற்குத் தேவையான காய்கறிகள் கிடைப்பதோடு, உடலுக்குத் தேவையான உடல் உழைப்பும் கிடைத்து விடும்.

சர்க்கரை நோயையோ, ரத்த அழுத்த வியாதியையோ, கொழுப்பு சார்ந்த உபாதைகளையோ மருந்துகள் மூலமாகத்தான் சரி செய்து கொண்டு வாழ வேண்டும் என்பதில்லையே. வாழ்க்கை முறையை மாற்றிக் கொண்டும் மருந்து மாத்திரைகள் இல்லாமல் வாழலாம்தானே.

வாழ்க்கை முறையை மாற்றும் போது வாழ்க்கையில் நிலவும் உடல் சார்ந்த பல பிரச்சனைகளுக்கு நல்ல தீர்வுகள் கிடைக்கும் போது, அந்த தீர்வுகளுக்குச் செலவழித்து அவற்றை ஏன் மருத்துவத்தில் தேட வேண்டும்?

உடலை இயங்க வைத்தால், ரத்தத்தை உடல் முழுவதும் ஓட வைத்தால் தீராத வியாதிகளும் தீரும். மருத்துவச் செலவினங்களும் மாறும். நீங்கள் ஒரு புதிய உலகையும் தரிசிக்க நேரும். அதுதான் ஆரோக்கியம் எனும் உலகம் ஆகும்.

*****

உன்னால் நீ வழிநடத்தப்படுவாய்!

உன்னால் நீ வழிநடத்தப்படுவாய்!

நான் யோசித்துக் கொண்டே போகிறேன்

ஒன்றும் அவசரமில்லை

எடுத்துக் கொள்ள காலம்

அள்ளிக் கொள்ள யோசனைகள்

பொறுமையாகப் போவதால்

பாதைக்கு வலிக்கப் போவதில்லை

நிதானமாக நடைபோடுவதால்

யாருக்கும் எந்த நட்டமுமில்லை

நான் எதை நாயகமாக நினைக்கிறேனோ

அதுவே என்னை வழிநடத்துகிறது

அது புன்முறுவல் பூத்து

மெதுவாகப் போகச் சொல்கிறது

அவசரப்படுவதால் ஆவது ஒன்றுமில்லை என்கிறது

அதிகபட்சமாக எதிரிகளால் செய்ய முடிவதெல்லாம்

மன உறுதியைக் குழைப்பதுதான் என்கிறது

மனஉறுதி குழையாத வரை

மனஉறுதி எனும் நாயகத்தால்

உன்னை அறியாமல் நீ

வழிநடத்தப்படுவாய் என்கிறது

*****

தமிழ்ப் படங்கள் எப்போது தமிழ் பேசும்?

தமிழ்ப் படங்கள் எப்போது தமிழ் பேசும்?

தமிழில் பெயர்கள் கிடைக்காத போது

தமிழ்த் திரைப்பட இயக்குநர்கள் என்ன செய்வார்கள்

தி கிரேட்டஸ்ட் ஆப் ஆல் டைம் என்று

படத்திற்குப் பெயர் வைப்பார்கள்

குட் பேட் அக்லி என்பார்கள்

தக் லைப் என்பார்கள்

ப்ளாக் என்பார்கள்

கடைசியில்

ப்ளெடி பெக்கர் என்பார்கள்

***

இந்தப் படங்களில் நடிக்க

மனிதர்கள் எதற்கு

பொம்மைகள் போதும்

என்ன அழகாக நடித்து விடுகின்றன

பொருட்களை வீணாக்காமல்

சண்டையென்றால் பேரழிவை உருவாக்காமல்

பிரமாண்டம் என்ற பெயரில் பொருட்செலவில்லாமல்

பொம்மைப் படங்கள் அவ்வளவு ஆதர்சம்

இன்னொன்றைக் கவனித்தீர்களா

ஹாலிவுட் படங்களுக்கு

என்ன அழகாகத் தமிழ்ப் பெயர் வைக்கிறார்கள்

என்ன அழகாகத் தமிழ் வசனம் பேசுகிறார்கள்

தமிழ்ப் படங்களுக்கு அப்படியெல்லாம்

எப்போது பெயர் வைப்பார்கள்

தமிழ்ப் படங்களில் அப்படியெல்லாம்

எப்போது வசனம் பேசுவார்கள்

*****