பெருங்கூட்டப் பிரவாகத்தில் நீங்கள் ஒரு சிற்றுயிர்

பெருங்கூட்டப் பிரவாகத்தில் நீங்கள் ஒரு சிற்றுயிர்

ஒவ்வொருவரும் எப்படி நடந்து கொள்ள வேண்டும்

என்பதற்கான நெறிமுறைகள் வழங்கப்படுகின்றன

பெருங்கூட்டத்தை விஞ்சும் ஆசை

முண்டியடித்து முதல்வராக வேண்டும் என்கிற பெரு விருப்பம்

வரிசை முறையைப் புறக்கணிக்கிறது

நெறிமுறைகளைக் காற்றில் பறக்க விடுகிறது

மக்கள் திமிரி அடித்துக் கொள்கிறார்கள்

உணர்ச்சிப் பிரவாகத்தில் இருக்கும் மக்களால் காத்திருக்க முடியாது

பெருங்கூட்டத்தை வழிநடத்துவது சாமானியமல்ல

பெருங்கூட்டத்தில் நகர்வதையோ போவதையோ

யாரும் திட்டமிட வேண்டியதில்லை

அவர்களே நகர்த்துவார்கள்

அவர்களே கொண்டு செல்வார்கள்

எங்கு செல்ல வேண்டுமோ அங்கு நீங்கள் சென்றிருப்பீர்கள்

எங்கு வர வேண்டுமோ அங்கு நீங்கள் வந்திருப்பீர்கள்

இலக்குகளும் திட்டங்களும் அங்கே பொடி பொடியாகும்

நோக்கங்கள் நொந்து போகும்

சில நேரங்களில் நெரிசல்களில் சில உயிர்களும் போகும்

*****