குவார்ட்டரும் பிரியாணியும் தந்திடுவார்

குவார்ட்டரும் பிரியாணியும் தந்திடுவார்

அவர் எங்களுக்குப் பிரியாணி தருகிறார்

குவார்ட்டர் தருகிறார்

வாகனங்கள் வைத்து அழைத்துச் செல்கிறார்

நாங்கள் அவருக்கு

தலைவர் என்ற பதவியைத் தருகிறோம்

அவர் பிறந்த நாளில்

கூத்தடிக்கிறோம் கும்மாளம் போடுகிறோம்

ஒரு தலைவர் போனால்

இன்னொரு தலைவரைத் தேர்ந்து கொள்கிறோம்

அவரும் எங்களுக்குப் பிரியாணி தருவார்

குவார்ட்டர் தருவார்

கூத்து கும்மாளங்கள் அனைத்தும் தருவார்

நோட்டைக் கொடுத்து

ஓட்டை வாங்கிக் கொள்வார்

காசுக்கு ரெண்டு கணக்கெழுதிக் கொள்வார்

கணக்கில் மிஞ்சும் காசை

வெளிநாட்டு சரக்கை வாங்கிக் கொண்டு

வெளிநாட்டு பேங்கில் பூட்டிக் கொள்வார்

எங்களுக்கெல்லாம் உள்நாட்டுச் சரக்கோடு

உள்நாட்டு பேங்கில் கொஞ்சம் ஏற்றி விட்டு

ஆகா பார் அனைவருக்கும்

அக்கௌண்டில் பணம் என்றே முழங்கி

ரெய்டில் சிக்காமல் பூரித்திடுவார்

*****