தேடலில் தொடங்கி சூன்யத்தில் முடி

தேடலில் தொடங்கி சூன்யத்தில் முடி

துளையிடாமல் அடியாழத்திற்குச் செல்ல முடியாது

துளையிடும் கருவிகளை நாம் இன்னும் தேடவே இல்லை

துளையிடுவது நிச்சயம் விளையாட்டல்ல

துளையிடுதலின் முடிவில் கிடைக்கப் போவது மகிழ்ச்சியுமல்ல

நிறைய தேட வேண்டியிருக்கிறது

தேடத் தேட அதுவாகவே ஒரு வழியைத் தேடித் தரும்

மேலோட்டமாக நாம் ஒரு வழியைத் தேர்ந்து கொள்ள இயலாது

தேடுகையில் ஆழ்ந்த கவனமும் நுட்பமான பார்வையும் வேண்டும்

தேடுவதைப் போன்ற தவம் வேறில்லை

தேடுவதன் மூலம் நிறைய அறிந்து கொள்ள முடியும்

அது போல தேடலில்

காத்திருக்க காத்திருக்க நிறைய புரிந்து கொள்ள முடியும்

தேடலின் முடிவில் வரம் கிடைக்கிறது

அது சூன்யம்

சூன்ய குழிக்குள் விழுந்து

உன் தேடலை நிறைவு செய்து கொள்

சொன்னால் வருத்தப்படாதே

தேடாமல் கிடைக்காது சூன்யம்

முடிவில் கிடைப்பது சூன்யம்

தொடக்கத்தில் கிடைப்பது தேடல்

உன் கையிலிருக்கும் தேடல்

உன்னைத் துளையிட்டு

அதன் அடியாழத்திற்கு அழைத்துச் செல்லும்

அதிர்ச்சிக்கும் அபாயத்துக்கும் தயாராக இருந்து கொள்

*****