பத்து தலைகள் உருளும் வரலாறு

பத்து தலைகள் உருளும் வரலாறு

பல்லாண்டுகளாய் பூமி பார்த்து சலித்த கதை

பழிக்குப் பழியும்

ரத்தத்தால் எழுதப்படும் கணங்களும்

தேடித் தேடிக் கொலைகள் பல புரிவதும்

காவலர்களின் லத்திகள் சுழல்வதும்

சிறைச்சாலையின் கதவுகள் திறக்கப்படுவதும்

யார் பக்கம் நியாயம் என்பது முடிவாவதற்குள்

பத்து தலைகள் உருண்டோடும்

ராவணன் காலத்துக் கதைகள் போல இருக்கலாம்

யரோ ஒருவரின் குடும்ப பிரச்சனைக்கு

கும்பல் கும்பல்களாய் சண்டைகள் நடந்திருக்கலாம்

இரண்டு தரப்பு எதிரிகள் உருவாக்கப்பட்டிருக்கலாம்

நல்லவர்கள் கெட்டவர்கள் என்ற பெயர்கள்

சடுதியில் நிறமாறி விவாதங்கள் சூட்டைக் கிளப்பியிருக்கலாம்

நீதிபதிகள் தீர்ப்புகளை எழுதுவார்கள்

தீர்ப்புகளும் தீர்வுகளும் சம்மந்தம் இல்லாமல்

முடிந்து போகும் வழக்குகள்

*****