அது அங்கே இருக்கிறது

அது அங்கே இருக்கிறது

அது அங்கே இருக்கிறது

தோண்டிப் பார்ப்பவர்களுக்குப் பீறிடுகிறது

தேடிப் பார்ப்பவர்களுக்கு அகப்படுகிறது

முயன்று பார்ப்பவர்களுக்கு கை கூடுகிறது

எதுவும் செய்யாதவர்களுக்காக

அது விலகி ஓடுவதில்லை

எதுவும் செய்யாதவர்களை

அது விலக்கி வைப்பதும் இல்லை

அது அங்கே இருக்கிறது

விருப்பமில்லாதவர்கள் பார்க்காமல் இருக்கலாம்

விரும்பியவர்கள் பார்த்துக் கொள்ளலாம்

அதுவாக வந்து முகம் காட்டாது அது

அது அங்கே இருக்கிறது முகவரியற்று

அதை அங்கே பார்ப்பவர்களுக்கு

அது முகவரி கொடுக்கிறது

*****