நவீன மயான காண்டம்

நவீன மயான காண்டம்

அரிச்சந்திர நாடக மயான காண்டம்

நடந்து கொண்டிருக்கிறது

உண்மையைச் சொன்னவன்

பொய் சொன்ன பிண்டங்களைப்

பொசுக்கிக் கொண்டிருந்தான்

பிற்காலத்தில் மகாத்மாவாகும்

சிறுவன் ஒருவன் விழிகள் விரியப் பார்த்துக் கொண்டிருந்தான்

அழிவில்லாத உண்மையைச் சொன்னவன்

மீண்டும் மீட்சி பெறுகிறான் என்ற

முடிவைக் கேட்ட கணத்தில்

சிறுவன் சுட்டுக் கொல்லப்பட்டான்

மகாத்மா ஆன பின்னும் அதுதானே நிகழப் போகிறது

என்று மறுபடியும் உண்மையைப் பேசினான் அரிச்சந்திரன்

மற்றுமொரு குண்டு வெடித்தது

மயானத்தில் எரிந்து கொண்டிருந்தான் அரிச்சந்திரன்

*****