உலகப் பொதுவான முகமூடி

உலகப் பொதுவான முகமூடி

முகமற்ற மனிதன் செய்த உதவிக்கு

மனமற்ற நன்றியைத் தெரிவித்துக் கொள்கிறேன்

உலகம் இப்படி முகமற்று இருந்திருக்கலாம்

யார் எந்த உதவியைச் செய்தார் என்ற

அடையாளம் தேவைப்படாது

அடையாள அட்டைக்கான

பாஸ்போர்ட் அளவு புகைப்படங்கள்

மலையிலிருந்து விழுந்து சிதைந்த உடலென

மரணித்துப் போயிருக்கும்

உலகப் பொதுவான ஒரு முகமூடி

உருவாக்கப்பட்டால் அதற்கு உங்களின்

முதல் வாக்கைத் தாருங்கள்

முகங்களைக் காட்டி வாக்கு கேட்டே

நம்மை முகமற்றவர்களாய்ச் செய்யும் அவர்களுக்கு

நாம் செய்ய வேண்டிய நன்றிக்கடன் அது

*****