பிராய்லர் மரங்கள்

பிராய்லர் மரங்கள்

இந்தச் செடியின் வேர்கள்

அதற்கு மேல் நீளாது

அது ஒரு தொட்டியில் இருக்கிறது

அந்த மரத்தின் வேர்கள்

அதற்கு மேல் நீளாது

அதைச் சுற்றி பாலீதீன் பைகள்

புதைக்கப்பட்டு இருக்கின்றன

ரெசிடென்சியல் பள்ளியில் படிக்கும்

குழந்தை போல்

அதற்கு மேல் பூக்காத

அதற்கு மேல் கிளை பரப்பாத

பிராய்லர் மரங்கள் அவைகள்

காற்றுக்கு அசைய

ஊசிக்கும், உரத்திற்குமாக

காத்திருக்கும்!

*****