தவிர்ப்பதற்கான தற்கொலைகள்

தவிர்ப்பதற்கான தற்கொலைகள்

உன் உயிர் பிரிந்த பின்

நீ செய்யும்

மூன்றாவது தற்கொலை இது!

முன்பொரு முறை

கூடுதல் மதிப்பெண் போடுவதற்காக

அழைக்கப்பட்டதற்காக செய்து கொண்டதாகச் சொன்னாய்!

அடுத்த முறை

மேலதிகாரி கண்காட்டிக் கூப்பிட்டதற்காக

செய்து கொண்டதாகச் சொன்னாய்!

மூன்றாவது முறையாக

வருமானம் போதவில்லை என்று

கணவனே அனுப்பி வைத்ததற்காக

செய்து கொண்டதாகச் சொன்னாய்!

ஒருவேளை

குழந்தைத் தொழிலாளி முறைக்கு

ஆதரவாக

இளம் பிராயத்திலிருந்தே

நீ ஒரு பாலியல் தொழிலாளியாக

மாறியிருந்தால்

தவிர்க்கப்பட்டிருக்கலாம்

மேற்படி தற்கொலைகள்!

*****

ஆதி ரகசியம் ஒன்று!

இரகசியங்களை விரும்பாத

மரம்

இலைகளை உதிர்த்து விடுகிறது!

*****