மிஸ்டர் கவிஞர் அவர்கள்

மிஸ்டர் கவிஞர் அவர்கள்

உன் மேல் விழுந்த மழைத்துளிக்கு

எத்தனை கிராக்கி

கவிஞர்கள் கிறுக்கித் தள்ளுகிறார்கள்

ஒரு துளி கொடேன்

தீர்த்தமென்று குடித்துக் கொள்வார்கள்

என்று பார்த்தால்

பிஸ்லேரி வாட்டர்தான் வேண்டும் என்கிறார்கள்

இனிமேலாவது

மழையில் நனையும் நேரத்தில்

கவிஞர்களை அருகில் அண்ட விடாதே

தலைவர்களைப் போலப் புளுகித் தள்ளுகிறார்கள்

என்று பலமுறை சொல்லி விட்டேன்

நீயோ மழைநீரைச் சேமிக்கலாம்

என்று அவர்கள் சொல்வதை நம்பித் தொலைக்கிறாய்

இனி உன் பாடு

கவிஞர்கள் பாடு

மழையில் நனைந்தால் ஜலதோசம் பிடிக்காமல் பார்த்துக் கொள்

மூக்குச்சளியைப் பற்றி

கிறுக்கத் தொடங்கி விடுவார்கள் பார்த்துக் கொள்

*****