இன்னொன்றில் இருக்க நிர்பந்திக்கப்பட்டு இருப்பவர்கள்

இன்னொன்றில் இருக்க நிர்பந்திக்கப்பட்டு இருப்பவர்கள்

ஆச்சரியங்கள் வேண்டுமானால்

கண்ணில் படும் எழுத்துகளை மட்டும் புரட்டுங்கள்

அதிசயங்கள் வேண்டுமானால்

கடவுளர்களின் நிறுவனங்களில் புகுந்து கொள்ளுங்கள்

பொழுதுபோக்கு வேண்டும் என்றால்

அமைப்புகளின் ஊடகங்களில் உறைந்துப் போகுங்கள்

உண்மைகள் வேண்டும் என்றால்

மறைத்து வைத்துக் காட்ட வேண்டும் என்ற

சூட்சமத்தைப் புரிந்து கொள்ளுங்கள்

நீங்கள் நீங்களில் இருப்பதற்கில்லை

இன்னொன்றில் இருக்க நிர்பந்திக்கப்பட்டு இருக்கிறீர்கள்

நிர்பந்தங்களுக்குள் வாழ மட்டும் ஆசீர்வதிக்கப்பட்டு இருக்கிறீர்கள்

இதை மறுப்பீர்களானால் நீங்கள் சபிக்கப்பட்டு இருக்கிறீர்கள்

*****