சந்தோசத்தின் பதுங்குக்குழி

சந்தோசத்தின் பதுங்குக்குழி

ஒரு வேளை சாப்பாடு கேட்டது ஒரு குற்றமா

ஒரு உலகப்போரை உருவாக்கி விட்டீர்களே பாவிகள்

இனியென்ன

எப்போதாவது சாப்பிடுவோம்

எப்போதாவது நிம்மதியாகத் தூங்குவோம்

எப்போதாவது கந்தல் உடுத்த கிடைக்கும்

எங்களுக்கு என்று ஒரு பதுங்குக்குழி கிடைக்காமலா போகும்

இதை விட வேறென்ன வேண்டும்

ஒவ்வொரு நாளும் உயிர்ப் பிழைத்திருக்கும்

இந்தச் சந்தோசமான வாழ்க்கைக்கு

*****

எதுவும் எல்லாம் சில…

புயல் அடிக்கிறது

வெள்ளம் வருகிறது

நெரிசலில் சிக்கித் தவிக்க நேரிடுகிறது

பூகம்பம் கூட ஒரு நாள் நேரிடலாம்

நடப்பது நடந்து கொண்டுதான் இருக்கும்

அது பாட்டுக்கு அது நடக்கட்டும்

நீ பாட்டுக்கு நீ நடந்து போ

புயல் ஒரு நாள் ஓய்ந்து போகும்

வெள்ளம் ஒரு நாள் வடிந்து போகும்

நெரிசல் ஒரு நாள் ஆளரவம் அற்றுப் போகும்

பூகம்பம் சில நிமிடங்களில் நின்று போகும்

உனக்கும் நடந்ததெல்லாம் மறந்து போகும்

இந்த உலகில் எல்லாம் சில நொடிகள்

அல்லது சில நிமிடங்கள்

அல்லது சில மணி நேரங்கள்

அல்லது சில நாட்கள்

அவ்வளவுதான்

*****