ஆன்மாவைக் கலந்து பொழியும் மழை

ஆன்மாவைக் கலந்து பொழியும் மழை

ஓரளவுக்கு மேல் மனிதரால் மட்டுமல்ல

கடவுளாலும் எதுவும் செய்ய முடியாது என்ற

ஆதிக்குப் புறம்பான அந்தத்தின் இறுதிக் குறிப்பை எடுத்து படித்த போது

எப்போதோ பொழிந்த  மழையின் துளி எடுத்துப்

புதிதாய்ப் பொழிகிறது இந்த மழை

கிறித்துப் பிறப்பதற்கு முன்

பொழிந்த இந்த மழையில் ரத்தம் கலந்திருந்தது

புத்தருக்குப் பின் பொழிந்த மழையில்

நிர்வாணம் நிறைந்திருந்தது

பத்தொன்பது நூற்றாண்டு கழித்து பொழிந்த போது

வெடிகுண்டுகளின் வீச்சம் உறைந்திருந்தது

இன்னும் ஒரு நூற்றாண்டு கழித்து பொழிந்த போது

பெயர் தெரியாத கிருமிகள் ஒளிந்திருந்தன

இடியும் மின்னலும் கலந்து பொழியும் மழையிடம்

காலபேதம் பற்றி கேட்ட போது

மனித ஆன்மாவைக் கலந்து பொழிவதாகப் பதில் சொன்னது

*****