முகவரி மாற்றாத மனிதன்!

முகவரி மாற்றாத மனிதன்!

மீண்டும் மீண்டும்

தோல்விதான்

என் முகவரி

என்னைத் தேடி வருபவர்கள்

முகவரி மாறி

சிரமப்படக் கூடாது என்பதற்காகவே

மாற்றாமல் வைத்திருக்கிறேன்

முகவரியை

*****

எல்லாரும் மகிழ்ச்சியாக இருப்பதையே விரும்புகிறார்கள்

அதற்கு கொஞ்சம் கஷ்டப்பட வேண்டியிருக்கிறது

முடியாது என்றால் இப்போதல்ல

பின்னர் கஷ்டப்பட வேண்டியிருக்கிறது

*****

பின்னால் நடக்க இருக்கும்

எவ்வளவோ விசயங்களுக்காக

நாம் இப்போதே

நாடகமாடி வைக்கிறோம்

*****

செய்யதையே செய்து

அலுத்துப் போய்

ஒரு நாள் வித்தியாசமாகச் செய்யப் போய்

அதன் உச்சத்தை அடைவாய்

*****

இவ்வளவு நேரம்

நீள்வதைப் பார்க்கையில்

இவ்வளவு அதிகம்

கசிவதைப் பார்க்கையில்

ஆறுதல் தேடும்

கண்களின் கண்ணீர்

இந்த மழை

*****