எண்ணெயும் பிண்ணாக்கும்
எனக்கு போண்டா
அண்ணனுக்கு சமோசா
அம்மாவுக்கு வடை
அப்பாவுக்கு கார பகோடா
தாத்தாவுக்கு எப்போதும் மெது பகோடா
பாட்டிக்குச் சுழியம்
அக்காவுக்குப் பஜ்ஜி
வாழையின் தோலை உரித்துப் போடும்
வாழைக்காய் பஜ்ஜி
தின்னும் முன் ஒரு பேப்பரில் வைத்துப் பிழிந்து கொள்வாள்
இருபது மில்லி எண்ணெய் தேறும்
பிண்ணாக்குப் பஜ்ஜியைத் தின்று கொள்வார்
ஆட்டிய எண்ணெயை தலைக்குத் தடவிக் கொள்வாள்
நாங்கள் எல்லாரும் ஏமாளிகள்
எங்கள் பண்டத்தில் எப்படிப் பிழிந்தாலும்
பிண்ணாக்கும் தேறாது எண்ணெயும் வாராது
*****
No comments:
Post a Comment