சம்சார சங்கீதம் அப்பியாசம் செய்பவர்களுக்காக…
உங்களுக்கும் உங்கள் கணவருக்கும் சண்டை வரும் போது அட்ஜஸ்ட்
செய்வீர்களா? காம்பரமைஸ் செய்வீர்களா? என்றார்கள்.
நான் உப்புமா செய்வேன் என்றாள் மனைவி.
நீடித்து நிலைத்து நிற்கும் பந்தத்தின் ரகசியம் இதுவன்றோ.
*
மோதிரம் காதலின் சின்னமாம். வருடா வருடம் பிறந்த நாள் வரும்
போது காதலின் சின்னம் ஒன்று வேண்டும் என்கிறாள் கட்டியதால் கட்டிக் கொண்டவள். முப்பதாயிரத்துக்குக்
குறைய மாட்டேன் என்கிறான் சார் கடைக்காரன்.
கவரிங்கில் அண்டர்கவரிங் பண்ணினால் எப்படிதான் கண்டுபிடிக்கிறாளோ,
ஆச்சரியமாக இருக்கிறது மாட்டிக் கொண்டு அகப்பட்டுக் கொள்கிறேன். அப்புறம் சிக்கியதால்
சின்னாபின்னமாக ஆகிறேன்.
*
முதலில் என்னைச் சொல்லிக் கொண்டு பிறகு அவளைச் சொன்னால் கோபப்பட
மாட்டாள்.
ஆகவே சொல்கிறேன். என்னிடமும் சின்ன சின்ன மைனஸ்கள் இருக்கின்றன.
அவளிடமும்தான்.
அவற்றை நாங்கள் சின்ன சின்ன அழகுகளாகக் காண்கிறோம்.
பெரிய மைனஸ்களைப் பேரழகுகளாகக் காண்கிறோம். சுற்றியுள்ளவர்களுக்கு அப்படித் தெரியவில்லை போலும். சரியான விவஸ்தை
கெட்டவர்கள் என்கிறார்கள்.
மைனஸ்களைப் பொருட்படுத்தாமல் சண்டையிட்டுக் கொண்டால் விவஸ்தை
உள்ளவர்கள் என்று சொல்வார்களோ.
*
நான் ஆசையாக எதையாவது கேட்டால் ஆசை, தோசை, அப்பளம், வடை என்பாள்.
அவ்வளவெல்லாம் வேண்டாம், இப்போதுள்ள பசிக்கு ஒரு தோசை மட்டும் போதும் என்பேன். எனக்கு
ரொம்பவெல்லாம் யாரையும் சிரமப்படுத்த பிடிக்காது. இப்படித்தான் எனக்குப் பசிக்கிறது
என்பதைச் சாமர்த்தியமாகச் சொல்லி சமாளித்துக் கொண்டிருக்கிறேன். சம்சார சங்கீதம் அப்பியாசம்
செய்பவர்கள் இதையும் அப்பியாசம் பண்ணிப் பாருங்கள். ராகமும் தாளமும் ஏகப் பொருத்தமாக
இருக்கும்.
*****
No comments:
Post a Comment