எதிர்காலத்தின் அற்புத மலர்

எதிர்காலத்தின் அற்புத மலர்

ஒவ்வொரு முறை நழுவிச் செல்லும் போதும்

கைவிடாமல் பின்தொடர்கிறாய்

காதலின் தொலைதூர முத்தங்கள் மீதான ஏக்கம்

நிழலைப் போலப் பற்றிப் படர்கிறது

ஏமாற்றங்களைப் போல எதிர்பார்ப்புகளும்

எப்போதும் மிச்சம் இருக்கிறது

விலகிப் போகும் இதயங்கள்

ஒன்று சேர்கிற ஒரு பொழுது வந்து சேரும்

நம்பிக்கையின் மேல் நாட்கள் நகர்ந்து செல்கின்றன

நானும் நீயும் சந்திக்க முடியாத தூரத்தில்

பின்தங்கிக் கொண்டு இருக்கிறோம்

தொட்டுத் தொடர முடியாத தொலைவு என்று

கேள்விப்படுபவர்கள் சொல்கிறார்கள்

எது எப்படியோ எது என்னவோ

இரு துருவங்களையும் ஈர்த்து இணைக்கும் சக்தி

இதயத்தின் வசியத்துக்கு இருக்கிறது

பிரிதலின் பின்னான இணைவு

எதிர்காலத்தில் பூக்க இருக்கும் அற்புத மலர்

*****