பழகிக் கொள்ளுதல்
வீட்டிலிருப்பது பழகி விடுகிறது
செல்லும் இடங்களில் எல்லாம்
ஒரு வீட்டைத் தேடுகிறது மனது
ப்ளாட்பாரத்தில் இருந்திருந்தால்
அதுவும் பழகியிருக்கும்
செல்லும் இடங்களில் எல்லாம்
ப்ளாட்பாரத்தைத் தேட அவசியமின்றி
எங்கும் வியாபித்திருந்திருக்கும்
மூன்று வேளை உணவும் அப்படியே
இரண்டு வேளைதான் கிடைக்கும்
என்றால்
அதுவும் பழகியிருக்கும்
ஆடைகள் விசயங்களும் அப்படித்தான்
அரையாடைதான் கிடைக்கும் என்றால்
அதுவும் பழகியிருக்கும்
படிப்பு
வேலை
நாகரிகம் எல்லாம் பழக்கம்தான்
அதிகாரம்
அடக்குமுறை
வெறியாட்டம் உட்பட எல்லாம்
அப்படித்தான்
பழக்கப்படுத்தப்படுகிறது
பழகிக் கொள்ளப்படுகிறது
*****
No comments:
Post a Comment