பேசிப் பேசி…
பேசிப் பேசிக் காதலித்தோம்
பேசிப் பேசிப் பிரிந்தோம்
பேச்சில் ஏதோ இருக்கிறது
நீயும் கவனிக்கவில்லை
நானும் கவனிக்கவில்லை
கவனமில்லாமல் இருவரும் பேசிக் கொண்டிருந்தோம்
கொஞ்சம் சுதாரித்திருந்தால்
நீயும் நானும் பிரிந்திருக்க மாட்டோம்
ஆனாலென்ன அதன் பின்
நீ நீயாக இருந்திருக்க மாட்டாய்
நான் நானாக இருந்திருக்க மாட்டேன்
பேச்சினால் ஏதோ ஒன்று நடந்து விட்டது
பிரிவிற்குப் பின் பிரிவிற்கு முந்தினும்
உன்னை அதிகம் நேசிக்கிறேன்
உன்னிடம் பேசுவதாக நினைத்து
நிறைய புலம்புகிறேன்
புலம்பல் வார்த்தைகள் பிரிக்கவொண்ணா
இணைப்பைக் கோருகின்றன
மீண்டும் போய் சேர்ந்து விடு என்கிறது
மற்றுமொரு பிரிவைத் தாங்கும்
பலமில்லை என்பதை அறியாத மனம்
*****
No comments:
Post a Comment