பூமியின் சுழற்சி

பூமியின் சுழற்சி

வெட்டியாக இருப்பவர்

செத்துப் போக வேண்டும் என்றவர்

உங்கள் அலைபேசி எண்கள்

யார் யாரிடம் இருக்கிறது என்று

உங்களுக்கே தெரியாது என்றார்

சற்று நேரம் கழித்து

உங்களை அழிக்க உங்கள் அலைபேசியும்

அலைபாயும் உங்கள் மனமும் போதும் என்றார்

அவர் பேசியதில் உண்மை இருக்குமோ என்று

தோன்றிய போது

தனது கைகளைக் கூரிய கத்தியால்

தானே கிழித்துக் கொண்டார்

அதே நேரத்தில் அவர் மார்பில்

ரத்தத்தைச் சிதறடித்தபடி

பாய்ந்தது துப்பாக்கிக் குண்டு

அவர் தற்கொலை செய்து கொண்டு செத்தாரா

சுடப்பட்டுச் செத்தாரா என்ற குழப்பத்தில்

சற்றே சாய்ந்த அச்சில்

பூமி சுழன்று கொண்டிருக்கிறது

*****