பெரிதென்று ஏதுமில்லை
நமக்குப் பெரிதாகத் தெரிகிறது
கை உடைந்ததை
அதற்கு மேல்
பெரிதாக நினைக்காத குழந்தை
மாவுக்கட்டு மேல்
கிறுக்க ஆரம்பிக்கிறது
*****
புலப்பாடு
கட்டுபவனுக்கு
தெரிந்த பின்
குட்டை கட்டிடமானது
குளம் அலுவலகமானது
ஏரி பேருந்து நிலையமானது
பின் எல்லாம் மாறியது
சாலை வெள்ளம் தேங்கும் இடமானது
*****
அங்கேயே இருக்கும் பொருள்
ஞாபகமாய்
மறந்து வைத்து விட்டு வந்த பொருள்
அங்கேதான் இருக்கிறது
ஞாபகம்தான் மறந்து விட்டது
*****
No comments:
Post a Comment