நகர முடியாத ஓட்டமும் யானை ஒரு அகதியும்

யானை ஒரு அகதி

யானை என்பது பானையா

யானை என்பது முறமா

யானை என்பது தூணா

வழிதவறி ஊருக்குள் புகும்

யானையைப் பார்

யானை என்பது அகதி

*****

நகர முடியாத ஓட்டம்

ராட்சச இயந்திரத்தின் களைப்போடு

சுழலத் தொடங்குகிறது மின்விசிறி

வெளியில் இருந்த வெக்கைக் காற்றை

இழுத்துப் போட்ட களைப்பில்

மின்விசிறிக்கு வியர்க்கிறது

அசைந்தாடும் மரங்களிலிருந்து

காற்றைப் பிடுங்க முடியாத விரக்தியில்

அறைக்குள் சுழலும் மின்விசிறிக்கு

புயலில் விழுந்த மரங்கள் பற்றித் தெரிய

என்ன வாய்ப்பு இருக்கிறது

இதற்கு மேல் சுழல முடியாது என்ற விரக்தியில்

ஓடி விடப் பார்க்கிறது மின்விசிறி

ஓட ஓட நகர முடியாமல்

ஒரே இடத்தில் சுழன்று கொண்டிருக்கிறது

பயத்தால் வியர்த்துப் போகிறது மின்விசிறி

யாரேனும் கைவிசிறி எடுத்து வாருங்கள்

*****