அழகான கொலைகளை உங்களால் புரிந்து கொள்ள முடியாது

உங்களால் புரிந்து கொள்ள முடியாது

ஒரு பயம் ஆயிரம் கொலைகளைச் செய்யும்

என்று சொன்ன போது நம்ப மறுத்தவர்கள்

தங்கள் பயங்களை ஆயிரம் கொலைகளால்

வர்ணித்துச் சொல்கின்றனர்

நுட்பமாகப் பார்ப்பதில் தெரியும்

குற்றங்கள் செய்ய விட்ட

உங்களின் பொறுப்பற்றத்தனம்

மேலதிகமாக உங்களிடம் சொல்ல

யோசனை யோசனையோ யோசனை

நீங்கள் எப்படிப் புரிந்து கொள்வீர்கள்

என்பது குழப்பமாக இருக்கிறது

சொல்லாமல் போன தவறுக்காக

குற்றவாளி எனத் தீர்ப்பிட்டு

சிறையிலடையுங்கள் எம் ரட்சகரே

*****

அழகான கொலைகள்

சிலருக்கு நல்லது செய்ய முடிவதில்லை

அந்த நல்லதே கெடுதலாகி விடுகிறது

உதாரணத்துக்கு ஒன்று

குடிகாரனைத் தடுத்தால்

கொலைகாரனாகி விடுகிறான்

என்ன அழகாய்க்

கொலை செய்திருக்கிறார்கள் பாருங்கள்

*****