நண்பர்
கோடியக்கரை போகையில்
பறவைகளைச் சுட்டுப் போட்டு
தின்னுபுட்டு வருவார்
அவர்தான் கைபேசியில் பேசிக் கொண்டிருக்கிறார்
செல்போன் டவரால்
சிட்டுக்குருவிகள் அழிந்து விட்டதாக
*****
ப்ளாட் புரோக்கராகி விட்ட
நண்பர் சொன்னதிலிருந்து
ப்ளாட்டிலிருந்து
நூறடித் தூரத்தில்
மயானம்
மட்டும்தான் இல்லை
*****
எம் அவ்வினிய நண்பர்
வளர்ப்பதற்கு வாஸ்து மீன்
தின்பதற்கு வஞ்சிர மீன்
*****
குழந்தைகளைக் கொஞ்சி
கவிதை எழுதியது போதும்
முடிந்தால் நர்சரி ஸ்கூலுக்கு
அனுப்புவதை நிறுத்து
என்று சொன்னதும்
அடிக்க வந்து விட்ட நண்பர்
பாப்பா படிக்கவில்லை என்று
சைக்கியாஸ்ட்ரிட்டிடம்
அழைத்துப் போய்க் கொண்டிருக்கிறார்
*****
ஆர்.சி.புக்
டிரைவிங் லைசென்ஸ்
இன்ஷ்யூரன்ஸ்
எதுவும் வைத்துக் கொள்ளாத நண்பர்
போலீஸ்காரர் என் மாமா என்பார்
*****
No comments:
Post a Comment