யாருக்கோ சொந்தமான முகம்

 யாருக்கோ சொந்தமான முகம்

கண்ணாடியில் பார்க்கும் முகம்

சத்தியமாய் என்னுடையது

ஆனால் பாருங்கள்

கண்ணாடியில் இருக்கும் முகம்

எனக்குச் சொந்தமானதல்ல

***

காதல் சங்கடம்

காதல் சங்கடம் என்று சொன்னால்

நம்ப மாட்டீர்கள்

நான் காதல் சொல்ல நினைக்கும்

பெண்ணிடம்

எல்லாரும் காதல் சொல்ல

நினைக்கிறார்கள்

***

சுத்தியலால் அடிக்கப்படாத ஆணி

கொடரி தந்த

தேவதையிடம் சொன்னான்

மரவெட்டி

வெட்டுவதற்கு மரமொன்றுமில்லை

***

உன் கடன் முடிந்தது

உனக்கென்ன

ஒரு மரக்கன்றை நட்டு விடுவாய்

நான் தினந்தோறும்

தண்ணீர் ஊற்றியாக வேண்டும்

***